16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
11 զոհ․ Սուդանում զինվորականները ռետինե և մարտական փամփուշտներով կրակ են բացել ցուցարարների ուղղությամբ
Քաղաքականություն
29.10.2021 | 13:11
Սուդանում զինվորականների ու ցուցարարների միջև արդեն 4-րդ օրը շարունակվող բախումների հետևանքով զոհվել է առնվազն 11 մարդ։ Այս մասին հայտնում է Reuters-ը։
Հազարավոր մարդիկ դուրս են եկել փողոց, որպեսզի իրենց բողոքն արտահայտեն գեներալ Աբդել Ֆաթահ ալ-Բուրհանի կողմից իշխանության զավթման դեմ։ Ականատեսները պատմում են, որ գիշերը Բահրիում զինվորականները ռետինե ու մարտական փամփուշտներով կրակել են ցուցարարների վրա։
Բժիշկների կոմիտեն, որը հետևում է բռնություններին, հայտնել է, որ գիշերային բախումների հետևանքով կա մեկ զոհ, երկու վիրավոր, որոնք գտնվում են ծանր վիճակում: Բժշկական աղբյուրները հայտնել են, որ ավելի վաղ հրազենային վնասվածքներից 22-ամյա մի երիտասարդ է մահացել։
Հիշեցնենք՝ հոկտեմբերի 25-ին հայտնի է դարձել, որ Սուդանում զինորականները ձերբակալել են երկրի վարչապետին ու 4 նախարարների։ Խարթումում ամբողջությամբ անջատվել է բջջային կապն ու համացանցը։
Տաթև Ֆռանգյան
