12.02.2026 | 11:51
Ուրախացա՞ր, Արման Եղոյան․ մի՛ ուրախացի, ես քեզ հիշում եմ․ Գեղամ Մանուկյան․ ՏԵՍԱՆՅՈՒԹ
Ինչ են քննարկել Փաշինյանն ու ՌԴ ԳՇ պետի տեղակալը․ ՏԵՍԱՆՅՈՒԹ
Քաղաքականություն
29.10.2021 | 12:07
Երեկ ՀՀ վարչապետ Նիկոլ Փաշինյանն ընդունել է ՌԴ Զու ԳՇ պետի տեղակալ Սերգեյ Իստրակովին:
Խորհրդարանական ճեպազրույցի ժամանակ անդրադառնալով հարցին, թե ինչ են քննարկել Փաշինյանն ու ՌԴ ԳՇ պետի տեղակալը, «Քաղաքացիական պայմանագիր» խմբակցության պատգամավոր , ԱԺ պաշտպանության և անվտանգային հարցերի մշտական հանձնաժողովի նախագահ Անդրանիկ Քոչարյանը հստակ պատասխան չտվեց, միայն նշեց. «Շատ լավ է, որ այդ հանդիպումները կան և շարունակական են: Շարունակական են այն պարզ պատճառով, որ մեր ռազմավարական գործընկերոջ հետ մենք դեռ քննարկելու շատ բան ունենք»:
Անդրադառնալով դիտարկմանը, որ այդ հանդիպումը հետաքրքրական է նաև այն ֆոնին, որ ՌԴ նախագահ Վլադիմիր Պուտինը հայտարարել է՝ այն քարտեզները, որոնցով պետք է դեմարկացիա և դելիմիտացիա իրականացվի, պահվում են ՌԴ ԳՇ-ում, Քոչարյանը նշեց. «Գիտեք, որ մենք 15 հանրապետությունով եղել ենք մեկ ընդհանուր անվտանգային համակարգում և ունեցել ենք միասնական ռազմական քարտեզներ, այդ քարտեզների տիրույթում են իրականացվել նաև համապատասպան գործընթացները, որոնք վերաբերում էին ԽՍՀՄ Զինված ուժերին: Այդ քարտեզներից ունի նաև ՀՀ-ն»:
Մանրամասները՝ տեսանյութում:
