19.12.2025 | 03:00
Կոնֆերենցիաների լիգա. «Նոայի» հավանական մրցակիցները փլեյ-օֆֆում
Facebook սոցցանցի անվանումը չի փոխվի․ անվանափոխությունը վերաբերում է միայն ընկերությանը
Քաղաքականություն
29.10.2021 | 11:38
Facebook ընկերությունը հայտարարել է ռեբրենդինգի շրջանակներում իր անվանումը Meta-ով փոխարինելու մասին։ Facebook-ի հիմնադիր ու ղեկավար Մարկ Ցուկերբերգը հայտարարել էր, որ նոր անվանումն ավելի լավ է արտացոլում այն, ինչ անում է ընկերությունը՝ սոցցանցից ընդլայնելով իր գործունեության ուղղությունները մինչև վիրտուալ իրականություն։ Անվանափոխությունը չի վերաբերում առանձին հարթակներին՝ Facebook, Instagram և Whatsapp սոցցանցերին և բջջային հավելվածներին․ դրանք կպահպանեն իրենց նախկին անվանումները։ Meta անվանումը կստանա այս սոցցանցերի սեփականատեր ընկերությունը։
BBC-ն նշում է, որ անվանափոխման որոշումը կայացվել է Facebook-ի մասին մի շարք բացասական հրապարակումներից հետո, որոնց համար հիմք են հանդիսացել ընկերության նախկին աշխատակցի կողմից գաղտնազերծված փաստաթղթերը։ Ֆրենսիս Հաուգենը մեղադրել է ընկերության ղեկավարությանը շահույթն անվտանգության խնդիրներից վեր դասելու մեջ:
BBC-ն նաև հիշեցնում է, որ 2015 թվականին վերանվանման մասին հայտարարել էր նաև Google-ը, որը որոշեց մայր կառույցն անվանել Alphabet, սակայն նոր անվանումն այդպես էլ չպահպանվեց։
Տաթև Ֆռանգյան
