Փաշինյանին շանտա՞ժ են արել. տարածքների զիջում պատերազմից հետո. ՏԵՍԱՆՅՈւԹ

Լուրեր

16.11.2026 | 23:32
Սևանի մակարդակը մեկ շաբաթում իջել է 1 սմ-ով․ տարեսկզբի համեմատ աճը 31 սմ է
16.11.2026 | 23:22
Լուսինե Բեկչյանն ազատվել է ԱԺ նախագահի օգնականի պաշտոնից
16.11.2026 | 23:01
Նոր Ջեյմս Բոնդը կլինի Ռոբերտ Պատինսոնը
16.11.2026 | 22:44
Երևանի Ֆուչիկի փողոցն առաջարկվում է անվանափոխել կոմպոզիտոր Վլադիլեն Բալյանի անունով
16.11.2026 | 22:26
Ձմեռային անվադողերի պարտադիր պահանջը խախտել է 400 վարորդ, որից 63-ը՝ Երևանում
16.11.2026 | 22:10
Բայրամովը Մեծ Բրիտանիայի պետքարտուղարի հետ քննարկել է Հայաստանի հետ կարգավորման գործընթացը
16.11.2026 | 21:59
Իրաքն ու Հորդանանն անվտանգության մտահոգությունների պատճառով արգելափակում են Telegram-ը
16.11.2026 | 21:47
Բորիս Նեմցովի սպանության համար դատապարտվածները գաղտնի ազատ են արձակվել և ապրում են Չեչնիայում․ «Проект»
16.11.2026 | 21:32
Օտարերկրյա միջամտություններ և հիբրիդային սպառնալիքներ․ Միրզոյանի ելույթը Բրյուսելում
16.11.2026 | 21:15
Դատավորը մեղադրյալի աթոռին. ինչո՞ւ Մասիս Մելքոնյանը զրկվեց անձեռնմխելիությունից․ ՏԵՍԱՆՅՈւԹ
16.11.2026 | 21:00
ԹԵԺ ԲԱՆԱՎԵՃ․ «Քաղաքացիական պայմանագիր», «Ուժեղ Հայաստան», «Հայաստան»․ պիտի փոխվի՞ Սահմանադրությունը. ՏԵՍԱՆՅՈւԹ
16.11.2026 | 20:49
Բազմաբնակարան բնակելի համալիրի կառուցման թույլտվություն կտրվի․ նախագիծը Երևանի ավագանին կքվեարկի չզեկուցվող հարցերի փաթեթում
16.11.2026 | 20:27
38 երկիր նախազգուշացրել է այս ձմռանն Ուկրաինայում միջուկային վթարի վտանգի մասին
16.11.2026 | 20:13
ԵՄ նոր պատժամիջոցների ցանկում են ՌԴ խոշորագույն նավթավերամշակման գործարանները, «ЮMoney»-ն, ավելի քան 40 բանկեր, Մատվիենկոյի որդին
16.11.2026 | 20:00
Դիտեք ԱԺ-ի և Հ1-ի ծեծկռտուքներն ու պարզ կլինի՝ ինչու է պետք միլիոնավոր դոլարներ ծախսել կրթության վրա․ Արմեն Մարտիրոսյան. ՏԵՍԱՆՅՈՒԹ
Բոլորը

Հայաստանի իշխանությունները Բաքվի ռազմական շանտաժի արդյունքում են 44-օրյա պատերազմի հրադադարի հաստատումից հետո նոր տարածքներ զիջել Ադրբեջանին: Երեկ խորհրդարանում Փաշինյանի արած հայտարարությունից հետո նման կարծիքներ են հայտնում փորձագիտական շրջանակները:

Հիշեցնենք՝ ընդդիմությունը մի քանի օր է՝ պնդում է, թե եռակողմ հայտարարության առաջին կետով ամրագրվել է, որ պատերազմի կողմերը կանգ են առնում իրենց զբաղեցրած դիրքերում, այնինչ 2020 թվականի նոյեմբերի 9-ի հրադադարի հաստատումից հետո Հայաստանի իշխանություններն Ադրբեջանին նոր տարածքներ են զիջել:

Նիկոլ Փաշինյանը պատգամավորների հետ հարցուպատասխանի ընթացքում ոչ միայն չհերքեց այս տեղեկությունը, այլև հայտարարեց, որ նահանջի որոշումն ինքն է կայացրել՝ Անվտանգության խորհրդի անդամների հետ քննարկումների արդյունքում:

Նիկոլ Փաշինյանի որոշումը հայկական Զինված ուժերին փոխանցել է պաշտպանության նախկին նախարար Վաղարշակ Հարությունյանը: Զորքերի նահանջի արդյունքում ադրբեջանական վերահսկողության տակ է անցել նաև Գորիս-Կապան միջպետական ավտոճանապարհի 21 կմ-ոց հատվածը: Հիշեցնենք, որ ճանապարհի՝ ադրբեջանական կողմի վերահսկողության տակ անցած հատվածում աղմկահարույց մի քանի միջադեպեր գրանցվեցին:

Անվտանգության խորհրդի քարտուղար Արմեն Գրիգորյանն այսօր Factor TV-ի հարցին ի պատասխան հայտնեց, որ Փաշինյանը որոշում կայացնելուց առաջ ԱԽ նիստ չի հրավիրել, բայց խորհրդի անդամների հետ հարցը քննարկել է: Գրիգորյանը Փաշինյանի որոշման հիմքերը չբացահայտեց՝ դրանք համարելով ռազմական գաղտնիք:

Արցախի արտաքին գործերի նախկին նախարար Արման Մելիքյանը նշում է՝ խաղաղ ճանապարհով հանձնելով հայկական կողմի վերահսկողության տակ գտնվող տարածքները՝ Հայաստանի իշխանությունները ենթարկվել են ռազմական շանտաժի:

Քաղաքագետ Տիգրան Գրիգորյանի խոսքով՝ այն տարածքներից, որտեղից դուրս են եկել հայկական զորքերը, Խորհրդային Հայաստանի և ԼՂԻՄ տարածքում չեն եղել, ուստի Բաքուն այդ հարցը կլուծեր ռազմական ճանապարհով, եթե լիներ Հայաստանի դիմադրությունը:

Հարցին՝ արդյո՞ք չի խախտվել նոյեմբերի 9-ի հայտարարության առաջին կետը, որի համաձայն՝ կողմերը պետք է դադարեցնեին մարտական գործողությունները և մնային իրենց զբաղեցրած դիրքում, Տիգրան Գրիգորյանը նշում է, որ Ադրբեջանն այդ շրջանում խոսել է վերջնագրերի, այլ ոչ թե իրավական լեզվով:

Արման Մելիքյանի խոսքով էլ՝ հայկական կողմը զիջել է այն տարածքները, որոնք ներառված էին Արցախի յոթ շրջաններում, և որոնք պետք է փոխանցվեին Ադրբեջանին:

Վերլուծաբանների խոսքով՝ եթե Հայաստանը խաղաղ ճանապարհով չզիջեր այդ տարածքները, ապա պատերազմը կվերսկսվեր, իսկ Հայաստանը նոր մարտական գործողությունների ներուժ չուներ, քանի որ ռուսական կողմից էլ բարձր մակարդակով օգնության մերժում էր փոխանցվել:

Մանրամասները՝ տեսանյութում։

Նարեկ Կիրակոսյան