27.11.2024 | 12:44
Արմեն Չարչյանի 3 տարի փորձաշրջանը 1 տարով կրճատվել է
Թուրքիայից արձագանքել են ՌԴ մանդարինի ներմուծումը դադարեցնելու մասին լուրին
Քաղաքականություն
28.10.2021 | 17:21
Մեկ թուրքական ընկերությունից մատակարարումների դադարեցումը չի նշանակում Թուրքիայից ամբողջական ներմուծման արգելք։ Այս մասին ՌԻԱ Նովոստիի հետ զրույցում ասել են Թուրքիայի Գյուղատնտեսության նախարարությունից՝ մեկնաբանելով ՌԴ թուրքական մանդարինի ներմուծման արգելքը։
«Խոսքը կոնկրետ ընկերության մասին է, որի արտադրանքի մեջ ինչ-որ բան են գտել։ Նման բան երբեմն պատահում է, մատակարարումները դադարեցվում են՝ մինչև իրավիճակի կարգավորումը»,- գործակալությանն ասել է թուրքական գերատեսչության ներկայացուցիչը։
Ավելի վաղ, Ռոսպոտրեբնոդզորից հայտնել էին, որ հոկտեմբերի 29-ից դադարեցնում է Թուրքիայից մանդարինի ներմուծումը՝ դրանցում քլորպիրիֆոս թունաքիմիկատի թույլատրելի մակարդակը գերազանցելու պատճառով։
Տաթև Ֆռանգյան
