30.07.2026 | 11:47
Լեհաստանը ռազմական ինքնաթիռներ է օդ բարձրացրել Ուկրաինայի վրա ռուսական զանգվածային հարձակման ֆոնին
ԱՄՆ-ը և Թուրքիան խորհրդակցություններ են անցկացրել F-35 կործանիչների ծրագրի շուրջ
Քաղաքականություն
28.10.2021 | 14:25
Անկարայում Պենտագոնի պատվիրակությունը թուրքական կողմի հետ խորհրդակցություններ է անցկացրել՝ լուծելու ռուսական S-400 համակարգեր գնելուց հետո Թուրքիային F-35 կործանիչների ծրագրից հեռացնելու հետ կապված տարաձայնությունները։ Այս մասին ասվում է Պետագոնի տարածած հաղորդագրության մեջ, գրում է ՏԱՍՍ-ը։
Ըստ հայտարարության՝ ԱՄՆ պաշտպանական գերատեսչության ներկայացուցիչներն Անկարայում քննարկումներ են անցկացրել Թուրքիայի՝ ծրագրից հեռացումից հետո մնացած հարցերի տարաձայնությունների շուրջ։
«Հանդիպումը ցույց է տալիս ԱՄՆ կառավարության հանձնառությունը՝ դադարեցնել Թուրքիայի նախկին մասնակցությունը F-35-ի ծրագրում։ Քննարկումներն արդյունավետ էին ու պատվիրակություններն առաջիկայում կրկին կհանդիպեն Վաշինգտոնում»,- ասվում է հաղորդագրության մեջ։
Հիշեցնենք, որ նախօրեին Թուրքիայի նախագահ Ռեջեփ Թայիփ Էրդողանը հայտարարել էր, որ Գլազգոյում կլիմայական փոփոխությունների գագաթնաժողովում հանդիպելու է ԱՄՆ նախագահ Ջո Բայդենին և քննարկելու է F-35 կործանիչների հարցը։
Էմմա Չոբանյան
