27.11.2024 | 10:16
Դոլարն ու եվրոն արժևորվել են, ռուբլին՝ արժեզրկվել․ արտարժույթների փոխարժեքները՝ նոյեմբերի 27-ի դրությամբ
Չինաստանում գերձայնային հրթիռի փորձարկումը նման է այն շոկին, երբ ԽՍՀՄ-ն ուղեծիր հանեց Երկրի արհեստական արբանյակը․ Մարկ Միլի
Քաղաքականություն
28.10.2021 | 21:43
ԱՄՆ Պաշտպանության նախարարությունը հաստատել է օգոստոսին Չինաստանում գերձայնային հրթիռի փորձարկումը։ Սա «շատ նշանակալի զարգացում է գերձայնային սպառազինության համակարգերի փորձարկման հարցում», Bloomberg-ին ասել է ԱՄՆ շտաբների պետերի միացյալ կոմիտեի նախագահ, գեներալ Մարկ Միլին։
Նա նաև հավելել է, որ այս փորձարկումը խիստ մտահոգիչ է։
Չինաստանում փորձարկումները Միլին համեմատել է 1957 թվականին Արևմուտքի ապրած շոկի հետ, երբ Խորհրդային Միությունն արձակեց Երկրի արհեստական արբանյակը, որը հաջող ուղեծրային թռիչք կատարեց: Այս իրադարձությունը հրահրեց ԱՄՆ-ի և ԽՍՀՄ-ի միջև մրցակցության կտրուկ աճ՝ տիեզերքում և զենքի մշակման ոլորտում:
Մարկ Միլին ասել է, որ վստահ չէ՝ արդյո՞ք չինական փորձարկումը կարելի է լիովին համեմատվել խորհրդային արբանյակի արձակման հետ, բայց մատնանշել է, որ երկու իրադարձությունները շատ մոտ են իրենց նշանակությամբ:
«Սա շատ կարևոր տեխնոլոգիական զարգացում է, որին ԱՄՆ-ը հետևում է համակ ուշադրությամբ»,- ասել է ամերիկացի գեներալը։
Տաթև Ֆռանգյան
