12.02.2026 | 13:17
Արևմուտքը փորձում է ամրապնդել իր ազդեցությունը Հարավային Կովկասում. ՀԱՊԿ շտաբի պետ
ՌԴ-ում առաջին անգամ մեկ օրում հայտնաբերվել է COVID-19-ի ավելի քան 40 հազար դեպք
Քաղաքականություն
28.10.2021 | 14:04
Ռուսաստանը թարմացրել է COVID-19-ով նոր հիվանդների օրական առավելագույն թիվը․ առաջին անգամ այդ ցուցանիշը գերազանցել է 40 հազարը: ՌԻԱ Նովոստիի հաղորդմամբ՝ այս մասին են վկայում օպերատիվ շտաբի տվյալները։
«85 շրջաններում հաստատված դեպքերի թիվը 40096 է, այդ թվում՝ հայտնաբերվել է 3539 ակտիվ դեպք՝ առանց կլինիկական դրսևորումների»,- ասված է հաղորդագրության մեջ։
Ամենից շատ հիվանդներ կան Մոսկվայում (8440, նախորդ օրը՝ 5789), Սանկտ Պետերբուրգում (3186) և Մոսկվայի մարզում (2639)։ Ամենաքիչ դեպքերը գրանցվել են Մագադանի մարզում (31), Նենեցկի և Չուկոտկայի ինքնավար շրջաններում (18-ական):
Համաճարակի ընթացքում գրանցվել է 8 մլն 392 հազար 697 վարակման դեպք, այժմ աճը կազմում է 0,48 տոկոս։
Տաթև Ֆռանգյան
