14.09.2026 | 19:22
Պապիկյանը և Ֆրանսիայի դեսպանը քննարկել են գործակցության հեռանկարներին առնչվող հարցեր
Իրանի ԱԳ նախարարը հայտարարել է, որ Թեհրանի և Բաքվի միջև հանրային լարվածության փուլն ավարտվել է
Քաղաքականություն
27.10.2021 | 19:15
Ադրբեջանի և Իրանի միջև լարվածության փուլը, որն ընթանում էր հանրային տիրույթում, ավարտվել է։ Այս մասին հայտարարել է Իրանի ԱԳ նախարար Հոսեյն Ամիր Աբդոլլահիանը Թեհրանում Աֆղանստանի հարևան երկրների հանդիպման արդյունքներով մամուլի ասուլիսի ընթացքում, գրում է ՏԱՍՍ գործակալությունը։
«Մենք շփումներ ենք ունեցել Ադրբեջանի ԱԳ նախարար Ջեյհուն Բայրամովի հետ։ Կարծում եմ, որ մենք ավարտել ենք լարվածության հանրային փուլը։ Ենթադրում եմ՝ խնդիրները, որոնք մենք ունենք, աստիճանաբար կլուծվեն»,- ասել է Աբդոլլահիանը։
Նշենք, որ Իրանի ու Ադրբեջանի ԱԳ նախարարների վերջին հեռախոսազրույցը տեղի է ունեցել հոկտեմբերի 23-ին։
Հիշեցենք՝ Բաքվի ու Թեհրանի հարաբերությունները կտրուկ սրվեցին, երբ սեպտեմբերի 15-ին Ադրբեջանը Գորիս-Կապան ճանապարհին ձերբակալեց իրանցի երկու վարորդի։ Միայն վերջերս Բաքուն ազատ արձակեց իրանցի վարորդներին, և հիմա երկու երկրների հարաբերություններում լարվածության որոշակի նվազում է նկատվում։
Էմմա Չոբանյան
