29.06.2026 | 17:10
Ինչո՞ւ և ինչո՞վ եք Ձեզ կաշկանդել․ Սեդա Սաֆարյանը՝ ԿԸՀ նախագահին․ ՏԵՍԱՆՅՈՒԹ
Սաակաշվիլին հրաժարվում է բանտային հիվանդանոց տեղափոխվել․ Ուկրաինայի մարդու իրավունքների պաշտպանը խնդրանքով է դիմել Վրաստանի ԱՆ-ին
Քաղաքականություն
27.10.2021 | 20:41
Ուկրաինայի Գերագույն ռադայի Մարդու իրավունքների պաշտպան Լյուդմիլա Դենիսովան բանտում գտնվող Վրաստանի նախկին նախագահ Միխայիլ Սաակաշվիլիին այցելելուց հետո հայտնել է, որ վերջինս հրաժարվել է տեղափոխվել բանտային հիվանդանոց՝ համարելով, որ այնտեղ իր համար անվտանգ չէ։
«Նա չի տեղափոխվի բանտային հիվանդանոց, որը գտնվում է գաղութում: Նա կարծում է, որ այնտեղ իր կյանքի համար անվտանգ չէ»,- այցից հետո լրագրողներին ասել է Դենիսովան, որի տեսագրությունը հրապարակվել է Telegram-ում։
Նրա խոսքով՝ այսօր կամ վաղը ուկրաինացի բժիշկը կայցելի քաղաքական գործչին ու կհետազոտի նրան:
«Մեր հանդիպումից հետո նա կհանդիպի բժշկի հետ, ուստի մենք դեռ չգիտենք հետազոտությունների արդյունքները, բայց ուկրաինացի բժիշկը ևս այստեղ է, և հուսով եմ՝ այսօր կամ վաղը առավոտյան նա նույնպես Միխայիլի մոտ կլինի»,- ասել է Դենիսովան։
Ուկրաինայի օմբուդսմենը դիմել է Վրաստանի Արդարադատության նախարարության հատուկ քրեակատարողական ծառայությանը՝ անհրաժեշտության դեպքում Միխայիլ Սաակաշվիլիին «Վիվա Մեդ» կլինիկայում բժշկական օգնություն ցուցաբերելու խնդրանքով։ Դենիսովայի խոսքով՝ քրեակատարողական ծառայության և այս կլինիկայի միջև կա պայմանավորվածություն․ այստեղ բուժօգնություն է ստացել շուրջ 600 դատապարտյալ։
Տաթև Ֆռանգյան
