30.07.2026 | 12:57
ՀՀ դեսպանը Hudson Institute-ում քննարկել է Հայաստան–ԱՄՆ գործընկերության զարգացումը
Դոնեցկից Ուկրաինային նախազգուշացրել են՝ «բախտը չփորձել», կարող են հակահարված տալ
Քաղաքականություն
27.10.2021 | 18:26
Ինքնահռչակ Դոնեցկի Ժողովրդական Հանրապետության Անվտանգության և պաշտպանության ժողովրդական խորհրդի (խորհրդարանի) կոմիտեի անդամ Անդրեյ Վորոշիլովը նախազգուշացրել է Կիևին՝ զերծ մնալ Դոնբասում հակամարտության ուժային կարգավորմանն անցնելու փորձերից։ Նրա խոսքով՝ ԴԺՀ-ն կարող է հակահարված տալ:
«Կարծում եմ, որ ուկրաինական իշխանությունները չպետք է բախտը փորձեն: Արտերկրից զենքի գնումը չի կարող փրկել նրանց, եթե որոշեն լայնածավալ և բացահայտ ռազմական առճակատման մեջ մտնել մեզ հետ: Հանրապետության պաշտպաններն ունեն ողջ բարոյահոգեբանական ներուժը՝ թշնամուն հակահարված տալու համար։Մենք սա մեկ անգամ չէ, որ ապացուցել ենք»,- «ՌԻԱ Նովոստի»-ին ասել է Վորոշիլովը:
Հիշեցնենք, որ Ուկրաինայի զինված ուժերի գլխավոր շտաբը երեքշաբթի հայտնել էր, որ Դոնբասում առաջին անգամ կիրառել են թուրքական «Բայրաքթար» հարվածային անօդաչու թռչող սարքը․ այն կառավարվող ռումբով ոչնչացրել է հակառակորդի հրետանին։ ԴԺՀ-ի արտաքին գործերի նախարարությունից հայտնել են, որ իրենք ստուգում են այս տեղեկությունը, սակայն փաստի հաստատում դեռ չկա։ Շփման գծի ողջ երկայնքով ռազմական ինքնաթիռների և անօդաչու թռչող սարքերի թռիչքներն արգելված են Մինսկի համաձայնագրերով։
Տաթև Ֆռանգյան
