19.12.2025 | 18:21
Ադրբեջանական բենզինը Հայաստան հասավ // ՌԴ-ն և Ուկրաինան զոհվածների մարմիններ են փոխանակել․ ԼՈՒՐԵՐ
Զինվորականների կողմից պաշտոնանկ արված Սուդանի վարչապետը գիշերն ազատ է արձակվել
Քաղաքականություն
27.10.2021 | 13:41
Զինվորականների կողմից պաշտոնանկ արված Սուդանի վարչապետ Աբդուլլահ Համդուկը գիշերն ազատ է արձակվել և վերադարձել Խարթումի իր նստավայր։ BBC-ի ռուսական ծառայության հաղորդմամբ՝ այս մասին հայտնել են նրա գրասենյակից:
«Այս գիշեր վարչապետ Աբդուլլահ Համդուկը կնոջ հետ վերադարձել է Խարթումի իրենց նստավայր՝ խիստ անվտանգության պայմաններում»,- ասվում է հաղորդագրության մեջ։
Դրանից կարճ անց հայտնի է դարձել, որ ԱՄՆ պետքարտուղար Էնթոնի Բլինքենը հեռախոսով զրուցել է Համդուկի հետ և ողջունել նրա ազատ արձակումը։ Միաժամանակ, անհայտ է մնում կալանավորված նախարարների գտնվելու վայրը։
Գեներալ Աբդել Ֆաթահ ալ-Բուրհանը երեքշաբթի հայտարարել է, որ Սուդանում զինված ուժերը իշխանության են եկել՝ քաղաքացիական պատերազմը կանխելու համար։
«Սպառնալիքները, որոնց ականատես եղանք անցյալ շաբաթ, կարող էին երկիրը տանել քաղաքացիական պատերազմի», – ասել է նա:
Բուրհանն ասել է, որ պաշտոնանկ արված վարչապետ Աբդուլլահ Համդուկը պահվել է գեներալի տանը՝ «իր իսկ անվտանգության համար»։
Տաթև Ֆռանգյան
