16.02.2026 | 11:50
Գարեգին Բ-ին առաջադրված մեղադրանքը կապված է եպիսկոպոսաց առաջիկա ժողովի հետ. Տիգրան Աբրահամյան․ ՏԵՍԱՆՅՈՒԹ
Բռնցքամարտի ԱԱ․ Նարեկ Մանասյանը պարտվեց մեկնարկում
27.10.2021 | 10:10
Սերբիայում ընթացող բռնցքամարտի աշխարհի առաջնությունում 92 կգ քաշային Նարեկ Մանասյանը ցավալի պարտություն է կրել հենց մեկնարկում․ Հայաստանի ներկայացուցիչը պայքարը սկսել է 1/32 եզրափակչից և մրցավարների միաձայն որոշմամբ զիջել Իտալիայի ներկայացուցիչ Մոհիդինե Աբեսին․ տեղեկացնում են Հայաստանի բռնցքամարտի ֆեդերացիայից։
Այսօր ավելի վաղ իր մեկնարկային գոտեմարտում հաղթանակ էր տարել Եվրոպական խաղերի չեմպիոն, 51 կգ քաշային Արթուր Հովհաննիսյանը։ Նա 1/16 եզրափակչում մրցավարների միաձայն որոշմամբ հաղթանակի էր հասել Գերմանիան ներկայացնող հայազգի բռնցքամարտիկ Արգիշտի Տերտերյանի նկատմամբ: Հովհաննիսյանը դուրս է եկել աշխարհի առաջնության 1/8 եզրափակիչ:
Վաղը՝ հոկտեմբերի 27-ին Հայաստանը երկու ներկայացուցիչ կունենա աշխարհի առաջնությունում։ 48 կգ քաշային Սեյրան Եղիկյանը 1/16 եզրափակչում կմենամարտի Իտալիայի ներկայացուցիչ Նիկոլա Կորդելայի հետ, իսկ Եվրոպական խաղերի բրոնզե մեդալակիր, 60 կգ քաշային Կարեն Տոնականյանը 1/32 եզրափակչում կմրցի Հնդկաստանի ներկայացուցիչ Վարինդեր Սինգի հետ։
