18.12.2025 | 13:40
Ադրբեջանցի դատախազն առաջարկել է Ռուբեն Վարդանյանին դատապարտել ցմահ ազատազրկման
Կոլումբիայի համալսարանում կանցկացվի առցանց պանելային քննարկում Թուրքիայի ռազմական արդյունաբերական համալիրի վերաբերյալ
Քաղաքականություն
26.10.2021 | 19:43
Երեքշաբթի օրը, հոկտեմբերի 26-ին, Արևելյան ստանդարտ ժամանակով (EDT) ժամը 11-ից մինչև 12:30-ը (Հայաստանի ժամանակով` 19:00-20:30) տեղի կունենա առցանց պանելային քննարկում, որի առանցքային թեման է Թուրքիայի ռազմական արդյունաբերական համալիրը: Քննարկումը կազմակերպված է Կոլումբիայի համալսարանի Մարդու իրավունքների ուսումնասիրության ինստիտուտի Խաղաղության կառուցման և մարդու իրավունքների ծրագրի կողմից՝ համագործակցելով Թուրքական ժողովրդավարության ծրագրի հետ։
Միջոցառմանը, որն ընդգծում է Թուրքիայի անօդաչու թռչող սարքերի ծրագրի վտանգավոր աճը, ինչն անցյալ աշնանը արցախյան պատերազմի ժամանակ ավերածությունների ու մարդու իրավունքների ոտնահարումների պատճառ դարձավ, ելույթ կունենան հրավիրված բանախոսներն՝ սենատոր Ջեյմս Լենկֆորդը (Հանրապետական, Օկլահոմա) և կոնգրեսական Գաս Բիլիրաքիսը (Հանրապետական, Ֆլորիդա):
Պանելային քննարկման մասնակիցների թվում են՝ Code on the Road-ի հիմնադիր ու տնօրեն և «Կինը ահաբեկչության և արմատականացման կիզակետում» BBC-ի փորձագետ Այա Բուրվեյլան, Ամերիկյան ձեռնարկությունների ինստիտուտի ավագ աշխատակից Մայքլ Ռուբինը և Կոլումբիայի համալսարանի Մարդու իրավունքների ուսումնասիրության ինստիտուտի Խաղաղության հաստատման և իրավունքների պաշտպանության ծրագրի տնօրեն Դեյվիդ Ֆիլիփսը: Թուրքական ժողովրդավարության ծրագրի Խորհրդատվական խորհրդի անդամ Նորման Ռոուլը հանդես կգա որպես մոդերատոր:
