20.05.2026 | 13:16
Հուշել եմ՝ միլիոնավոր դոլարների է հասնում, մանրամասնել չեմ կարող․ Հայրապետյանը՝ զենքի արտահանման մասին․ ՏԵՍԱՆՅՈՒԹ
Լուկաշենկոն անհանգստացած է Լեհաստանի հետ սահմանին Leopard տանկերի հայտնվելու կապակցությամբ
Քաղաքականություն
26.10.2021 | 18:50
Բելառուսի նախագահ Ալեքսանդր Լուկաշենկոն անհանգստացած է երկրի արևմտյան սահմանին Leopard տանկերի հայտնվելու կապակցությամբ, հաղորդում է «ԲԵԼՏԱ» գործակալությունը։
«Դուք հրաշալի տեսնում եք՝ այստեղ դուք ավելի շատ եք, քան բոլորը: Եվ դուք տեսնում եք, թե ինչ էր կատարվում և ինչ են ուզում մեզանից: Երեկ արդեն Leopard տանկեր են տեղափոխել մեր սահման»,- ասել է Լուկաշենկոն Լիդա (Գրոդնոյի շրջան) կատարած այցի ժամանակ։
Լուկաշենկոն նաև մտավախություն է հայտնել, որ «նրանք այստեղ պատերազմ չսանձազերծեն»։
Ավելի վաղ հաղորդվել էր, որ Լեհաստանի իշխանությունները ծրագրում են 2,5 հազար զինվորականի ուղարկել սահման՝ սահմանային տարածքը անօրինական ներգաղթյալներից պաշտպանելու հարցում սահմանապահներին օգնելու համար։
Լեհական կողմը նաև 10-րդ զրահապատ հեծելազորային բրիգադի ստորաբաժանումներ է ուղարկել Բելառուսի հետ սահման՝ Leopard տանկերով։ Բացի այդ, Լիտվայում Բելառուսի սահմանների մոտ զորավարժությունների ժամանակ օգտագործվել են ամերիկյան Abrams և գերմանական Leopard տանկերը։
Տաթև Ֆռանգյան
