30.07.2026 | 10:41
Անօրինական միգրացիայի կազմակերպման համար մեղադրվող անձը հանձնվել է Մոլդովայի իրավասու մարմիններին. Գլխավոր դատախազություն
Ադրբեջանի պետանվտանգության ծառայության պետը հայտարարել է, թե Բաքուն հետևում է «Հայաստանի սադրանքներին և համարժեք միջոցներ ձեռնարկում»
Քաղաքականություն
26.10.2021 | 15:55
Ադրբեջանն ուշադրությամբ հետևում է Հայաստանի առանձին ուժերի կողմից հնարավոր սադրանքներին, որոնք Արցախյան երկրորդ պատերազմից հետո ապրում են ռևանշիստական գաղափարներով։ Տեղական լրատվամիջոցների հաղորդմամբ՝ նման հայտարարություն է արել Ադրբեջանի պետական անվտանգության ծառայության պետ Ալի Նագիևը։
«Չնայած Ադրբեջանի խաղաղության կոչերին՝ ապակառուցողական գործողություններ են նկատվում Հայաստանի կողմից, որոնք մինչև հիմա չեն ցանկանում հաշտվել պատերազմից հետո տարածաշրջանում ստեղծված իրավիճակի հետ ու ապրում են ռևանշիստական գաղափարներով»,- ասել է Նագիևը։
Նա նշել է, որ իր կողմից նշված «տարրերը մշտապես հակաադրբեջանական քարոզչություն են իրականացնում»՝ փորձելով տարաձայնության սերմեր ցանել Ադրբեջանում բնակվող տարբեր ազգերի միջև ու ձգտում են սրել հարևան երկրների հարաբերությունները Բաքվի հետ։
«Ադրբեջանի համապատասխան պետական մարմիններն ուշադրությամբ հետևում են Ադրբեջանի դեմ հայկական կողմի հնարավոր սադրանքներին ու համարժեք միջոցներ ձեռնարկում»,- հայտարարել է Ալի Նագիևը։
Էմմա Չոբանյան
