27.11.2024 | 13:59
Հրադադարի ֆոնին՝ հարավային Լիբանանի տեղահանված բնակիչները սկսել են վերադառնալ իրենց տները
Ամստերդամի վերաքննիչ դատարանը որոշում է կայացրել Ուկրաինային վերադարձնել Ղրիմի թանգարանների սկյութական ոսկու հավաքածուն
Քաղաքականություն
26.10.2021 | 16:07
Ամստերդամի վերաքննիչ դատարանը որոշում է կայացրել Ուկրաինային վերադարձնել Ղրիմի թանգարանների սկյութական ոսկու հավաքածուն, որն այժմ գտնվում է Նիդե8լանդներում: Այս մասին գրում է BBC-ի ռուսական ծառայությունը։
Այսպիսով, դատարանը հաստատել է Նիդերլանդների մայրաքաղաքի շրջանային վարչական դատարանի նախորդ՝ 2016 թվականի դեկտեմբերի 14-ի որոշումը։
«Ղրիմ. Ոսկե կղզին Սև ծովում» ցուցահանդեսն Ամստերդամի Ալարդ Փիրսոնի թանգարանում անցկացվել է 2014 թվականի փետրվարի 7-ից օգոստոսի 31-ը և բաղկացած է եղել Ղրիմի չորս ու Կիևի մեկ թանգարանների ցուցանմուշներից։ Ռուսաստանի կողմից թերակղզու բռնակցումից հետո վեճ է ծագել՝ ցուցանմուշները վերադարձնել Ղրի՞մ, թե՞ փոխանցել Ուկրաինայի իշխանությունների կողմից վերահսկվող տարածքներ։
Այն ժամանակ Ուկրաինան հաղթեց առաջին ատյանի դատարանում դատավարությունը: Այնուհետև Նիդերլանդների դատարանը սահմանեց, որ ցուցանմուշները պետք է Կիևին վերադարձվեն ՅՈՒՆԵՍԿՕ-ի 1970 թվականի կոնվենցիայի հիման վրա, որն ընդգծում է, որ մշակութային ժառանգությունը պատկանում է ինքնիշխան պետությանը։
2017 թվականին Ղրիմի թանգարանները բողոք ներկայացրեցին այս որոշման դեմ։
Նախորդ դատավարության ժամանակ դատարանն առաջնորդվել էր նրանով, որ Ղրիմն ինքնիշխան պետություն չէ և չի կարող հավակնել արվեստի օբյեկտների նկատմամբ իր իրավունքին։ Այսպիսով՝ որոշումը, թե ում պետք է վերադարձվեն ցուցանմուշները, պետք է ուկրաինական դատարանը կայացնի այն բանից հետո, երբ դրանք հայտնվեն Ուկրաինայի տարածքում։
2016 թվականին Ուկրաինան պարտավորվել է նաև ցուցանմուշների պահպանման համար Նիդերլանդների թանգարանին վճարել 111 հազար եվրո։
Տաթև Ֆռանգյան
