18.12.2025 | 21:39
Երևանում և 9 մարզում էլեկտրաէներգիայի անջատումներ կլինեն
Այո, Արցախն ուրացողը դավաճան է. Ղազինյանը խոսեց ԱԺ դահլիճում տեղի ունեցած վեճի մասին. ՏԵՍԱՆՅՈՒԹ
Քաղաքականություն
26.10.2021 | 13:47
«Այո, Արցախ ուրացողը դավաճան է, բոլորս ենք դա հաստատում»,- այս մասին լրագրողների հետ զրույցում նշեց «Հայաստան» խմբակցության պատգամավոր Արթուր Ղազինյանը՝ անդրադառնալով այսօր ԱԺ-ում Գեղամ Մանուկյանի ելույթից հետո առաջացած վեճին:
«Չի կարելի սահմանափակել պատգամավորի խոսքը, չի կարելի կամայական կիրառել հարկադրանքի միջոցներ»,- նշեց Ղազինյանը՝ անդրադառնալով նրան, որ նիստը վարող Ռուբեն Ռուբինյանը Գեղամ Մանուկյանի ելույթի ժամանակ հրահանգեց անջատել խոսափողը և անվտանգության աշխատակիցներին խնդրեց նրան հեռացնել ամբիոնի մոտից:
«Դա իշխանության կողմից ռեպրեսիայի մեխանիզմի մի էլեմենտ է, որովհետեւ խորհրդարանում ընդդիմության խոսքը արգելափակվում է, ընդհատվում է, ապա հարկադրաբար, զինվորական շորերով մարդկանց կողմից ուժով հեռացվում է պատգամավորը:
Ընդդիմությունն ընդամենը պատասխանել է նախկինում ելույթ ունեցած պատգամավորի որակումներին: Այդ պատգամավորի հանդեպ հնչած գնահատականը, որ Արցախն ուրացողը դավաճան է, դա փաստ է: Չկա Հայաստանում որևէ արժանապատիվ քաղաքացի, որ գտնի, որ Արցախը ուրանալը դավաճանություն չէ»,- նշեց Ղազինյանը:
Մանրամասները՝ տեսանյութում:
