12.02.2026 | 18:51
Մեծ Բրիտանիան Ուկրաինային 680 միլիոն դոլար կհատկացնի հակաօդային պաշտպանության համար
Նոր լոքդաուն Չինաստանում․ կորոնավիրուսը տարածվել է երկրի 11 նահանգներում
Քաղաքականություն
26.10.2021 | 13:22
Մեկ շաբաթվա ընթացքում Չինաստանի 11 նահանգներում հաստատվել է կորոնավիրուսի ավելի քան հարյուր նոր դեպք։ Այս մասին հոկտեմբերի 26-ին հայտարարել է ՉԺՀ-ի Առողջապահության ազգային հանձնաժողովի ներկայացուցիչ Մի Ֆենը, հայտնում է CNN-ը։
Հոկտեմբերի 17-ից Չինաստանում մի քանի տեղայնացված բռնկումներ են եղել, որոնք արագորեն տարածվել են։ Վարակի տարածումը չի կանգնում նաև այն դեպքում, որ Չինաստանի բնակչության մոտ 75%-ը կամ ավելի քան մեկ միլիարդ մարդ ամբողջությամբ պատվաստված է COVID-19-ի դեմ։
Նշենք, որ բռնկման դեպքն առաջին անգամ հայտնաբերվել է հոկտեմբերի 16-ին՝ Շանհայից ամբողջությամբ պատվաստված տարեցների զբոսաշրջային խմբի շրջանում: 133 վարակվածներից 106-ը կապված են եղել 13 զբոսաշրջային խմբերի հետ։
Մասնավորապես, վարակման դեպքեր են գրանցվել Ներքին Մոնղոլիայում, Գանսուում, Նինգսիայում, Գույչժոուում, Լանչժոուում և Պեկինում։
Այս կապակցությամբ իշխանությունները մտավախություն ունեն, որ բռնկումն է՛լ ավելի կտարածվի։ Տուրիստական գործակալություններին այժմ արգելվել է ուղևորություններ կազմակերպել դեպի այդ շրջաններ, իսկ մայրաքաղաքի իշխանությունները կիրակի խստացրել են քաղաք մուտքի սահմանափակումները։ Հիմա դեպի Պեկին բարձր և միջին ռիսկի շրջաններից ճանապարհորդներից կպահանջվի բացասական թեստ ներկայացնել և երկու շաբաթվա ընթացքում առողջական վիճակի մոնիթորինգ։
FT-ն ավելի վաղ հաշվարկել էր հարուստ և աղքատ երկրներում պատվաստումների հասանելիության հարաբերակցությունը: Աշխարհի ամենաաղքատ երկրներում մարդիկ դեռ ոչ մի պատվաստում չեն ստացել, իսկ հարուստ երկրներում արդեն իսկ իրականացվում են վերապատվաստումներ։
Տաթև Ֆռանգյան
