22.02.2026 | 10:40
Մեր ջանքերը կարող են առաջիկա 3 շաբաթում բերել Պուտինի և Զելենսկու հանդիպմանը․ Ուիթկոֆ
Իրանահայ գրողներն այցելել են Իրանում ՀՀ դեսպանություն
Մշակույթ
25.10.2021 | 18:44
2021թ. հոկտեմբերի 24-ին Իրանահայ գրողների միության ներկայացուցիչները՝ Վարանդ Քուրքչյանը, Էդվարդ Հարությունյանը, Ռուբեն Ավագյանը, Աշխեն Եղիայանը և Թորգոմ Հակոբյանը, այցելեցին ԻԻՀ-ում ՀՀ դեսպանություն և դիվանագիտական աշխատանքի ավարտման կապակցությամբ հանդիպում ունեցան դեսպան Արտաշես Թումանյանի հետ․ տեղեկացնում են Իրանում ՀՀ դեսպանությունից։
«ՀՀ դեսպանը, անդրադառնալով իրանահայ գրողների ազգանվեր գործունեությանը, ընդգծեց Հայաստան-Իրան միջմշակութային հարաբերությունների խորացման կարևորությունը և այս ոլորտում հետագա հաջողություններ մաղթեց նրանց։
Հյուրերն իրենց երախտագիտությունը հայտնեցին դեսպան Արտաշես Թումանյանին իր կատարած աշխատանքի և Գրողների միության հետ արդյունավետ համագործակցության համար»,- ասված է հաղորդագրությունում։
