19.11.2024 | 18:23
Պարոն Իսկանդարյան, «калькулятор»-ը հանեք, հաշվենք․ Ավինյանը տրանսպորտի վճարների մուտքերն է հաշվում․ ՏԵՍԱՆՅՈՒԹ
Լեհ-բելառուսական սահմանին երկու սահմանապահ է վիրավորվել ապօրինի ներգաթյալների գրոհի հետևանքով
Քաղաքականություն
25.10.2021 | 16:53
Լեհաստանի սահմանապահ ծառայությունը հայտնել է, որ հանգստյան օրերին սահմանը ուժային եղանակով հատելու միանգամից երկու փորձ է գրանցվել, հաղորդում է «Էխո Մոսկվին»:
Ապօրինի ներգաթյալները, միավորվելով 60-70 հոգանոց խմբում, քարեր և ծառի ճյուղեր են նետել զինվորների վրա։ Ներգաղթյալները չեն կարողացել մուտք գործել երկիր, սակայն երկու սահմանապահներ վիրավորվել են։ Նրանք հոսպիտալացվել են։
Սրանք հանգստյան օրերին ապօրինի սահմանահատման միակ փորձերը չեն եղել: Ընդհանուր առմամբ, սահմանապահներին հաջողվել է կանգնեցնել ավելի քան 500 փախստականի, ձերբակալվել է մոտ 20 անօրինական ներգաղթյալ Սիրիայից, Իրաքից և Պաղեստինից։
Բելառուսի հետ սահմանին իրավիճակը սրվել է այն բանից հետո, երբ Մինսկը հայտարարել է ԵՄ երկրներ ներգաղթյալների հոսքն այլևս չզսպելու մտադրության մասին: Լատվիան, Լիտվան և Լեհաստանը անօրինական ներգաղթյալների կալանավորման ավելի ու ավելի շատ դեպքերի մասին են հաղորդում։
Լեհաստանի իշխանությունների տվյալներով՝ տարեսկզբից ավելի քան 23 հազար ապօրինի ներգաղթյալներ փորձել են հատել լեհ-բելառուսական սահմանը։ Բանակը վերջին ամիսներին հերթապահություն է իրականացնում անցակետերում։
Տաթև Ֆռանգյան
