25.04.2026 | 19:17
Հայաստանի Մ-17 հավաքականը Երևանում պարտվեց Հունգարիային․ ՏԵՍԱՆՅՈՒԹ
Մթնոլորտում CO2-ի մակարդակը հասել է ռեկորդային բարձր ցուցանիշի․ ՄԱԿ
Քաղաքականություն
25.10.2021 | 23:30
2020 թվականին մթնոլորտում ածխածնի երկօքսիդի կոնցենտրացիան շարունակել է աճել՝ չնայած կորոնավիրուսային համաճարակի հետ կապված բազմաթիվ արդյունաբերական սահմանափակումներին: Համաշխարհային օդերևութաբանական կազմակերպությունը (WMO) հայտարարել է, որ CO2-ի մակարդակը հասել է ռեկորդային բարձր ցուցանիշի՝ 2019 թվականի 410,7 ppm-ից հասնելով 413,2 ppm-ի:
Այս կապակցությամբ WMO-ի գլխավոր քարտուղար Փեթերի Թաալասը նախազգուշացրել է, որ եթե կլիմայի պաշտպանությանն ուղղված շատ ավելի կոշտ միջոցներ չձեռնարկվեն, աշխարհը չի կարողանա հասնել Փարիզի համաձայնագրի նպատակներին՝ գլոբալ ջերմաստիճանի բարձրացումը 2 աստիճանի սահմաններում պահելու համար, գրում է DW-ի ռուսական ծառայությունը:
Ըստ WMO-ի՝ CO2-ի կոնցենտրացիայի աճն անցած տարում ավելի էական է եղել, քան 2011-ից 2020 թվականներին ընկած ժամանակահատվածի միջին ցուցանիշը։ Համաճարակի հետևանքով առաջացած տնտեսական անկման պատճառով 2020 թվականին նոր արտանետումների ծավալը նվազել է 5,6%-ով, սակայն, ինչպես նշել են Համաշխարհային օդերևութաբանական կազմակերպությունում, դա նկատելի ազդեցություն չի ունեցել մթնոլորտում երկարատև ջերմոցային գազի կոնցենտրացիայի կամ դրա աճի տեմպերի վրա։
Տաթև Ֆռանգյան
