18.12.2025 | 18:18
Գարեգին Բ-ի դեմ ընդվզած եպիոսկոպոսները ժամանեցին Մայր Աթոռ․ նրանց ելույթն ուղեկցվեց սուլոցներով․ ՏԵՍԱՆՅՈՒԹ
Իսրայելը հարվածել է Սիրիայում իրանամետ աշխարհազորայինների դիրքերին
Քաղաքականություն
25.10.2021 | 14:51
Իսրայելի ռազմաօդային ուժերի կործանիչը Դամասկոսից 40 կիլոմետր հարավ գտնվող Կունեյտրա նահանգում հարվածել է սիրիական բանակի և իրանամետ աշխարհազորայինների դիրքերին: Այս մասին հայտնել է ՏԱՍՍ-ը՝ հղում կատարելով Al Hadath հեռուստաալիքին։
Աղբյուրի փոխանցմամբ՝ իսրայելական ինքնաթիռը հրթիռներով հարվածել է ցամաքային թիրախներին Ալ-Բաաս քաղաքի մերձակայքում և Ալ-Քուրում գյուղի մոտակայքում։ Նյութական վնաս է հասցվել, զոհերի և վիրավորների մասին տեղեկություններ չեն հաղորդվում:
Հավելենք, որ հոկտեմբերի 14-ին Իսրայելի ռազմաօդային ուժերը գրոհել էին Պալմիրայից հարավ-արևելք գտնվող Т-4 ռազմական օդանավակայանը (Դամասկոսից 240 կմ հեռավորության վրա): Al Hadath հեռուստաալիքի փոխանցմամբ՝ խոցվել է այնտեղ տեղակայված իրանական անօդաչու թռչող սարքերի բազան։ Շիա ջոկատների մարտիկները, որոնք կռվում են սիրիական զորքերի կողմից, կորուստներ են կրել։
Հոկտեմբերի 8-ին էլ վեց սիրիացի զինվոր և 12 շիա աշխարհազորայիններ էին վիրավորվել T-4 օդանավակայանի վրա իսրայելական օդուժի հարձակումը հետ մղելիս։
Տաթև Ֆռանգյան
