14.09.2026 | 17:57
Կրեմլը ողջունել է Կիևին ուղղված Թրամփի կոչը՝ դադարեցնել ՌԴ-ի տնտեսական ենթակառուցվածքների վրա հարձակումները
Ադրբեջանը նախատեսում է Արցախի գրավյալ Քարվաճառում նոր երկաթուղի կառուցել
Քաղաքականություն
22.10.2021 | 17:07
«Ադրբեջանական երկաթուղիներ» ընկերությունը նախատեսում է նոր երկաթգիծ կառուցել, որը կկապի Գերանբոյի շրջանը Արցախի գրավյալ Քարվաճառի հետ, հայտնում են ադրբեջանական լրատվամիջոցները։
«Արդեն իսկ իրականացվող ծրագրերից զատ՝ մասնագետները մշակում են «ազատագրված տարածքներում» երկաթուղու կառուցման նոր ուղղություններ։ Այդպիսի ուղղություններից մեկը Դելիմամեդլի-Քարվաճառ ուղղությունն է»,- ասել են ընկերությունից։
«Ադրբեջանական երկաթուղիների» տվյալներով՝ այս երկաթգծի նախնական հայեցակարգային ծրագիրն արդեն պատրաստ է։
«Դելիմամեդլի-Քարվաճառ երկաթուղու երկարությունը կկազմի 88․8 կմ։ Երկաթուղու վրա նախատեսվում է նաև մոտ 220 արհեստական ինժեներական կառույցներ նախագծել ու կառուցել»,- հայտնել են ընկերությունից։
Առայժմ չի նշվում, թե երբ է նախատեսվում շինաշխատանքների մեկնարկը։
Էմմա Չոբանյան
