Քաղաքականություն
22.10.2021 | 16:35
Թալիբները Քաբուլում գլխատել են Աֆղանստանի վոլեյբոլի երիտասարդական թիմի անդամ Մահջաբին Հաքիմին, հայտնում է Inside the Game-ը՝ հղում անելով Persian Independent-ին։
Պարբերականին տված հարցազրույցում Հաքիմիի մարզիչներից մեկն ասել է, որ մարզուհին սպանվել է հոկտեմբերի սկզբին, սակայն այդ մասին տեղեկությունը չի տարածվել, քանի որ նրա ընտանիքին սպառնացել են և պահանջել ամեն ինչ գաղտնի պահել։
Աֆղանստանի վոլեյբոլի կանանց հավաքականից միայն երկու մարզուհի է կարողացել լքել երկիրը թալիբների իշխանության գալուց հետո։
«Վոլեյբոլի հավաքականի բոլոր խաղացողները և մնացած մարզիկները վատ վիճակում են, հուսահատության և վախի մեջ»,- պատմել է մարզիչը։
Տաթև Ֆռանգյան
