05.01.2025 | 21:53
Մատուցվեց Սուրբ ծննդյան ճրագալույցի պատարագ․ ԼՈՒՍԱՆԿԱՐՆԵՐ
Ադրբեջանը մտադիր է նոր ռազմական ինքնաթիռներ գնել ռազմաօդային ուժերի համար
Քաղաքականություն
22.10.2021 | 13:39
Ադրբեջանի ռազմաօդային ուժերը ծրագրում են նոր ռազմական ինքնաթիռներ ձեռք բերել, որոնց շուրջ բանակցությունները շարունակվում են։ Այս մասին ադրբեջնական Report գործակալության հետ զրույցում հայտնել է Ադրբեջանի պաշտպանության նախարարի տեղակալ, ռազմաօդային ուժերի (ՌՕՈՒ) հրամանատար, գեներալ-լեյտենանտ Ռամիզ Թահիրովը։
«Ադրբեջանի ՌՕՈՒ-ի համար նախատեսվում է նոր ինքնաթիռներ գնել, որի շուրջ բանակցություններ են ընթանում։ Փորձագետներն ուսումնասիրել են մեզ առաջարկվող ինքնաթիռների հնարավորությունները։ Հնարավոր է՝ առաջիկայում հասարակությունն իմանա, որ ինքնաթիռներն են ձեռք բերվելու»,- ասել է նա։
Թահիրովի խոսքով՝ նոր սպառազինությունների գնման, տեխնոլոգիաների, անձնակազմի պատրաստման ու այլ հարցերը լուծվում են առկա հայեցակարգի հիման վրա․ ցանկացած զորատեսակ ունի ուրույն ռազմավարությունն ու զարգացման ծրագիրը։
Ի դեպ, Թահիրովը չի նշել, թե որ երկրից է Ադրբեջանը պատրաստվում ինքնաթիռներ գնել։
Էմմա Չոբանյան
