07.11.2024 | 17:08
Շառլ Միշելը կմասնակցի Ադրբեջանում կայանալիք COP29-ին
Անթալիայում Ռուս-թուրքական բարեկամության պուրակ է բացվելու
Քաղաքականություն
21.10.2021 | 23:17
Թուրքիայի հարավ-արևմտյան Անթալիայի Մուրատփաշա շրջանում բացվելու է Ռուս-թուրքական բարեկամության պուրակ, հայտնում է «Անադոլու» գործակալությունը։
Մուրատփաշայի քաղաքապետարանից հայտնել են, որ այգու տարածքում տեղադրվել է ռուս հայտնի գրող Լև Տոլստոյի արձանը։ 3000 քառակուսի մետր տարածքով այգին ստեղծվել է երկու երկրների միջև բարեկամական հարաբերությունների ամրապնդման նպատակով։
Տոլստոյի կիսանդրին շրջանի քաղաքապետարանին են նվիրել Ռուսաստանի Միջազգային համագործակցության ասոցիացիան, Թուրքական բարեկամության ասոցիացիան և «Մշակույթների երկխոսություն՝ միասնական աշխարհ» հիմնադրամը։
Շրջանի ղեկավար Ումիթ Ույսալը հայտարարել է, որ պաշտոնական տվյալներով՝ Անթալիայում մշտական բնակության իրավունքով ապրում է 95 հազար օտարերկրացի՝ մոտ 90 երկրից: Նրա խոսքով՝ նրանց թվում 20․000 ռուսաստանցի կա։
Պուրակի բացման արարողությունը նախատեսված է հոկտեմբերի 23-ին։
Էմմա Չոբանյան
