02.04.2026 | 19:22
Փաշինյանը ներկա է եղել միջնադարյան գլուխգործոցի՝ հայկական եկեղեցու փայտյա դռան փեղկի ցուցադրությանը
Ադրբեջանում ձերբակալված իրանամետ շիա հոգևոր գործչին պետական դավաճանության մեջ են մեղադրում
Քաղաքականություն
21.10.2021 | 22:50
Ադրբեջանում հոկտեմբերի 19-ին ձերբակալված շիա աստվածաբան, «Ադրբեջանի հոգևոր գործիչներ» միության անդամ Սերդար Բաբաևին մեղադրանք է առաջադրվել Ադրբեջանի քրեական օրենսգրքի 274 հոդվածով (պետական դավաճանություն), գրում է «Թուրան» գործակալությունը։
Բաբաևի փաստաբան Ջավադ Ջավադովը տեղեկացրել է, որ քննչական մարմնի որոշման հիման վրա Բաքվի Սաբայիլի շրջանային դատարանը խափանման միջոց է ընտրել 4-ամսյա կալանավորումը։
Նշենք, որ Բաբաևից զատ՝ ևս 4 հոգևոր գործիչ է ձերբակալվել։ Նրանց հետ կապված որևէ տեղեկություն դեռևս չկա։ Հատկանշական է, որ բոլոր ձերբակալվածները սովորել են Իրանում և համարվում են իրանամետ հոգևոր գործիչներ։
Էմմա Չոբանյան
