06.10.2026 | 00:38
Ազգերի լիգա. Հայաստանի հավաքականը ոչ-ոքի խաղաց Չեռնոգորիայի հետ
Անտեղյակ, բայց վճռական․Դումանյանն ընդդեմ Լավրովի․ ԵզրաԿԱՑՈՒԹՅՈՒՆ
Քաղաքականություն
21.10.2021 | 18:34
Հոկտեմբերի 15-ին ՌԴ ԱԳ նախարար Սերգեյ Լավրովը, ելույթ ունենալով արտերկրում բնակվող ռուս հայրենակիցների 7-րդ համաշխարհային կոնգրեսում, հայտարարել էր, որ Տաջիկստանում 5 նոր ռուսական դպրոց է բացվելու՝ ռուսաց լեզվի դիրքերի ամրապնդման նախաձեռնության շրջանակում՝ այս համատեքստում անդրադառնալով նաև Հայաստանին։
«Այժմ համանման ծրագիր է պատրաստվում նաև Ուզբեկստանի համար։ Վերջին շրջանում Հայաստանի նոր իշխանությունները հետաքրքրվածություն են հայտնել Հայաստանի համար ևս համանման ծրագիր մշակելու համար»,- ասել էր Լավրովը։
Factor TV-ն այսօր ԿԳՄՍ նախարար Վահրամ Դումանյանից հետաքրքրվեց, թե ինչով է պայմանավորված ՀՀ իշխանությունների նման հետաքրքրությունը։ Նախարարը նախ նկատեց, որ այդ մասին տեղեկացել է «համայն մարդկությունը, քանի որ ինտերնետի դարում դա գաղտնի ինֆորմացիա չէ»։ Ապա ասաց, որ ինքը «որևիցե տեղ նման ձևակերպմամբ ինֆորմացիայի չի հանդիպել», և մեզ խնդրեց իրեն տրամադրել Լավրովի հայտարարության հղումը։
Ընդառաջելով նախարարի խնդրանքին՝ ևս մեկ անգամ հրապարակում ենք Լավրովի հայտարարությունը և հույս հայտնում, որ դրանից հետո ԿԳՄՍ նախարարի դիրքորոշումը, այն է՝ «ՀՀ ԿԳՄՍՆ օրակարգում նման հարց չկա», կմնա անփոփոխ։
Մանրամասները՝ տեսանյութում։
