07.11.2024 | 16:45
ԵՄ 27 երկրների առաջնորդները կքննարկեն Վրաստանում հետընտրական իրավիճակը
ԱՄՆ-ում սոխից սալմոնելոզի բռնկում է գրանցվել
Քաղաքականություն
21.10.2021 | 21:58
ԱՄՆ իշխանությունները նախազգուշացրել են երկրի 37 նահանգներում սոխից սալմոնելոզի բռնկման մասին, ավելի քան 650 մարդ արդեն հիվանդացել է։ Այս մասին ասված է ԱՄՆ Հիվանդությունների վերահսկման և կանխարգելման կենտրոնի պաշտոնական կայքում (CDC):
Նշվում է, որ բռնկումը կապված է թարմ կարմիր, սպիտակ և դեղին սոխի հետ, որը ներմուծվել է Մեքսիկայի Չիհուահուա քաղաքից: Սոխը բաշխվել է ProSource Inc.-ի կողմից և առաքվել ամբողջ երկրի ռեստորաններ և մթերային խանութներ: ProSource Inc.-ում նշել են, որ սոխի վերջին խմբաքանակը ներկրվել է օգոստոսի 27-ին, սակայն, ինչպես նշում է CDC-ն, ապրանքը դեռ կարող է պահպանվել տներում և ձեռնարկություններում։
Այս կապակցությամբ երկրի բնակիչներին զգուշացվում է՝ չվաճառել, չգնել կամ չսպառել սոխը, եթե այն ներմուծվել է Չիհուահուայից և տարածվել ProSource Inc․-ի կողմից: Նմանատիպ նախազգուշացումները վերաբերում են նաև առանց պիտակների և փաթեթավորման սոխին, որտեղ չկա նշում, թե որտեղ է աճեցվել արտադրանքը:
ԱՄՆ իշխանություններն աշխատում են պարզել՝ արդյո՞ք բռնկումը կապված է որևէ այլ սոխի և այլ մատակարարների հետ, ասվում է զեկույցում:
Տաթև Ֆռանգյան
