05.02.2026 | 20:34
Սուքիասյանների պատասխանը․ ինչ է լինելու «Ռոսիա տոնավաճառի» հետ. ՏԵՍԱՆՅՈՒԹ
Իրանական բեռնատարներին արգելվել է ՀՀ տարածքից մուտք գործել Լեռնային Ղարաբաղ
Քաղաքականություն
20.10.2021 | 21:13
Իրանի ճանապարհային բեռնափոխադրումների կազմակերպությունը բեռնափոխադրող ընկերություններին արգելել է այցելել Լեռնային Ղարաբաղ և Լաչինի շրջան։
Mehr գործակալության փոխանցմամբ՝ կազմակերպության միջազգային բեռնափոխադրումների գրասենյակի տնօրեն Մոհամմադ Ջավադ Հեդայաթին բեռնափոխադրող ընկերությունների արհմիություններին ուղղված նամակում, վկայակոչելով ԻԻՀ ԱԳ նախարարության հոկտեմբերի 9-ի հրահանգը, տեղեկացրել է, որ Ադրբեջանի օրենքների համաձայն՝ Լեռնային Ղարաբաղ պետք է մուտք գործել Ադրբեջանի՝ պաշտոնապես ճանաչված սահմաններից։
Այդ պատճառով, Իրանի քաղաքացիներին և վարորդներին խիստ հրահանգվել է, հետևանքներից խուսափելու և Ադրբեջանի տարածքային ամբողջականությունը հարգելու համար, Հայաստանի տարածքից մուտք չգործել Լեռնային Ղարաբաղ և Լաչին, ինչպես նաև խուսափել Ղարաբաղի հետ որևէ առևտրային պայմանագիր կնքել:
