23.08.2026 | 14:26
Վթարային ջրանջատում Երևանում
ՌԴ-ն և Բելառուսը նախատեսում են մինչև 2026թ․ մշակել Միութենական պետության ծրագիր՝ զորքերի տարածաշրջանային միավորում ձևավորելու համար
Քաղաքականություն
20.10.2021 | 23:21
Ռուսաստանն ու Բելառուսը 2023 թվականին «Միության վահան» անվամբ զորավարժություններ կանցկացնեն։ Այս մասին հայտարարել է ՌԴ ՊՆ ղեկավար Սերգեյ Շոյգուն, գրում է Korrespondent-ը։
«Ամփոփվել ու հաստատվել են մեր պաշտպանական գերատեսչությունների համատեղ գործողությունները՝ 2019 թվականից 2021 թվականների ընթացքում, ծրագրվել են մինչև 2024 թվականը ռազմական անվտանգության ապահովմանն ուղղված միջոցառումները, հաստատվել է համապատասխան պլանը։ Այս փաստաթղթով նախատեսված ամենամասշտաբային միջոցառումը կլինի «Միության վահան» համատեղ զորավարժությունը, որը կանցկացվի 2023 թվականին»,- ասել է Շոյգուն։
Նա նշել է, թե որ ոլորտներում երկրները կշարունակեն զարգացնել համագործակցությունը․ ճառագայթում, քիմիական և կենսաբանական պաշտպանություն, էլեկտրոնային պատերազմ, ինչպես նաև տոպոգեոդեզիական և նավիգացիոն աջակցություն:
«Նախատեսվել են միջոցառումներ՝ համատեղ գործողությունների մշակման և այդ ոլորտներում փոխգործակցության մեխանիզմների կատարելագործման ուղղությամբ», – ասել է Շոյգուն:
Բացի այդ, Ռուսաստանի Դաշնությունը և Բելառուսը նախատեսում են մինչև 2026 թվականը մշակել Միութենական պետության ծրագիր՝ զորքերի տարածաշրջանային միավորում ստեղծելու համար:
Հիշեցնենք, որ սեպտեմբերին տեղի ունեցան 40 տարվա ընթացքում Ռուսաստանի Դաշնության և Բելառուսի միջև «Արևմուտք 2021» ամենամեծ զորավարժությունները: Դրանց մասնակցել է մոտ 200 հազար մարդ:
Տաթև Ֆռանգյան
