12.02.2026 | 22:39
ԱԳ նախարարին կից խորհրդի առաջին նիստում քննարկվել են տարածաշրջանային ապաշրջափակման նախագծերը
Անկարայում Հանքային հետազոտությունների գլխավոր վարչությունում պայթյուն է որոտացել
Քաղաքականություն
20.10.2021 | 15:54
Անկարայի Էսքիշեհիր փողոցում պայթյուն է որոտացել Հանքային հետազոտությունների գլխավոր վարչությունում։ Այս մասին հայտնում է Mehr-ը՝ հղում կատարելով թուրքական աղբյուրներին։
Նշվում է, որ պայթյունը գրանցվել է առավոտյան ժամը 10-ի սահմաններում։
Թուրքիայի Հանքային հետազոտությունների գլխավոր վարչությունը հայտարարություն է տարածել, որում ասվում է, որ պայթյունը տեղի է ունեցել գազի արտահոսքի պատճառով: Անկարայի նահանգապետարանը հայտարարության մեջ նշել է, որ պայթյունի հետևանքով բռնկված հրդեհը վերահսկելի է:
Անկարայի քաղաքապետարանն իր հերթին հայտարարել է, որ հրդեհը մեկուսացվել է: Զոհերի կամ ավերածությունների մասին տեղեկություններ չեն հաղորդվում:
Տաթև Ֆռանգյան
