07.11.2024 | 18:32
Ակնայում ադրբեջանցի զինծառայող է ինքնասպան եղել
Դամասկոսի կենտրոնում ահաբեկչություն է իրականացվել․ 14 զոհ կա
Քաղաքականություն
20.10.2021 | 12:31
Սիրիայի մայրաքաղաք Դամասկոսի կենտրոնում ահաբեկչություն է իրականացվել, զոհվել է 14 մարդ։ Այս մասին ՌԻԱ Նովոստիին հայտնել է անվտանգության ծառայություններում սեփական աղբյուրը։
Նշվում է, որ այսօր առավոտյան Ռաիսի կամրջի շրջանում՝ հայտնի Դամարոուզ հյուրանոցից ոչ հեռու, ահաբեկիչները գործարկել են երկու պայթուցիկ սարք, ինչի արդյունքում պայթել է սիրիական բանակի ավտոբուսը։
«Նախնական տվյալներով՝ զոհվել է 14 զինվորական, որոնք եղել են ավտոբուսում»,- պատմել է գործակալության զրուցակիցը։
Հիշեցնենք՝ 2017 թվականին հայտարարվել է «Իսլամական պետություն» ահաբեկչական խմբավորման նկատմամբ հաղթանակի մասին, առաջին պլան է մղվել քաղաքական կարգավորումն ու փախստականների վերադարձը, սակայն արաբական այս հանրապետության առանձին մասերում շարունակվում է զինյալներից մաքրման գործընթացը։
Տաթև Ֆռանգյան
