19.11.2024 | 18:41
ԵԽ մարդու իրավունքների հանձնակատարն Ալիևին կոչ է արել ազատ արձակել իրավապաշտպաններին, լրագրողներին և քաղակտիվիստներին
Ադրբեջանի ԱԳ նախարարը սպառնացել է Հայաստանին
Քաղաքականություն
19.10.2021 | 18:31
Ադրբեջանի ԱԳ նախարար Ջեյհուն Բայրամովը Սլովակիայի իր գործընկերոջ հետ համատեղ ասուլիսում կրկին խոսել է Հայաստանի հետ հարաբերությունների կարգավորումից, հաղորդում են ադրբեջանական լրատվամիջոցները։
«Ռևանշիստական մոտեցումն ու համագործակցությունը կախված են Հայաստանի ժողովրդից ու կառավարությունից»,- ասել է Բայրամովը՝ հայտարարելով, թե Ադրբեջանը պատրաստ է համագործակցության և դրական կարձագանքի քայլերին, որոնք ուղղված են համագործակցությանն ու գործընկերությանը։
Բացի այդ, Բայրամովը նաև սպառնացել է Հայաստանին։
«Եթե Ադրբեջանի դեմ որևէ քայլեր ձեռնարկվեն, ապա մենք, իհարկե, դրան կպատասխանենք»,- ասել է Ադրբեջանի ԱԳ նախարարը՝ նշելով, որ Բաքուն կատարում է իր ստանձնած պարտավորությունները։
Բայրամովը շեշտել է, որ Ադրբեջանը պատրաստ է պատասխանել համագործակցության հետ կապված Հայաստանի դրական որոշումներին, սակայն եթե որևէ վտանգ սպառնա, ապա Ադրբեջանը դրան կպատասխանի։
Էմմա Չոբանյան
