19.05.2026 | 19:58
23 մլն դրամ կանխիկ․ ինչ է հայտարարագրել Էդմոն Մարուքյանը
Անկարայի դատախազությունը 123 զինծառայողի կալանավորման օրդեր է տվել՝ Գյուլենի հետ կապի մեղադրանքով
Քաղաքականություն
19.10.2021 | 17:24
Անկարայի դատախազությունը 123 զինծառայողի և ռազմական ակադեմիայի կուրսանտների կալանավորման օրդեր է տվել՝ 2016 թվականի հուլիսին հեղաշրջման փորձ կազմակերպելու մեջ մեղադրվող ընդդիմադիր քարոզիչ Ֆեթուլլահ Գյուլենի հետ կապերի կասկածանքով, հայտնում է Anadolu-ն:
Հաղորդվում է, որ 73 զինծառայողի և 50 կուրսանտի ձերբակալությունն իրականացվում է Թուրքիայի 18 նահանգներում:
Թուրքական իշխանությունները Գյուլենի կազմակերպությանը, որն անվանում են FETO (Ֆեթուլլահի ահաբեկչական կազմակերպություն), մեղադրել են 2016 թվականի հուլիսի հեղաշրջման փորձին մասնակցության մեջ: Թուրքիայում հեղաշրջման փորձից հետո ավելի քան 80,000 քաղաքացի է ձերբակալվել, ինչպես նաև մոտ 150,000 պետական ծառայող, այդ թվում՝ զինվորականներ: Անձամբ Գյուլենը, որը գտնվում է ԱՄՆ-ում, դատապարտել է հեղաշրջման փորձը և հերքել իրեն առաջադրված մեղադրանքները:
Տաթև Ֆռանգյան
