Քաղաքականություն
18.10.2021 | 22:16
Ոստիկանությունը սկսել է ստուգողական գործողություններ իրականացնել Շիրակի մարզպետ Հովհաննես Հարությունյանի կողմից ընտրությունների նախաշեմին սոցիալապես անապահով քաղաքացիներին 50 հազարական դրամ տրամադրելու փաստով։
Հովհաննես Հարությունյանը երեկ՝ Գյումրու ՏԻՄ ընտրությունների օրը, լրագրողների հետ զրույցում չէր համաձայնել հնչեցրած հարցին, թե այն իր մեջ կոռուպցիոն ռիսկեր է պարունակում ու դիտարկվում է որպես ընտրակաշառք։
Նա նշել էր՝ դրանք քաղաքացիներին տրվող սոցիալական աջակցություններ են, որոնք կապ չունեն ընտրությունների հետ։
Մարզպետը նաև առաջարկել են նման դեպքերը տալ իրավապահ մարմիններին, թող նրանք քննեն։
«30 տարի մարդիկ ապրելու խնդիր են ունեցել, շատ մարդիկ մեզ դիմել են, աջակցություններ են ստացել։ Թող մարդիկ մտածեն 30 տարի մարդկանց սոված չթողնեին, ապրելու միջոց տային և հիմա նման բաներ չասեին։ Դուք խառնում եք ամեն ինչ իրար, ոնց որ ասենք թոշակ են ստացել հոկտեմբերի 1-ին, պիտի գնան, իշխող ուժին ընտրեն, ծիծաղելի է», -ասել էր Հովհաննես Հարությունյանը։
Լրագրողների դիտարկմանն էլ, թե ԱԺ ընտրություններին ընդառաջ այս նույն գործընթացի համար քրգործ է հարուցվել Գորիսի համայնքապետ Առուշ Առուշանյանի նկատմամբ, ո՞րն է տարբերությունը Գյումրիի և Գորիսի, Հովհաննես Հարությունյանն ասել էր, որ բացարձակ նմանություն չի տեսնում․ սա շարունակական աշխատանքային գործընթաց է։
Արմիկ Մովսիսյան
