07.11.2024 | 22:50
Ահաբեկչության մեղադրանքով 5 տարվա ազատազրկման դատապարտված դպրոցականի պատժաչափը կրճատել են 24 օրով
Սիրիայում Թուրքիայի աջակցությունը վայելող զինյալները հայտարարել են, որ պատրաստ են վերսկսել գործողությունները քրդերի դեմ
Քաղաքականություն
18.10.2021 | 20:25
Թուրքիայի աջակցությունը վայելող սիրիացի զինյալները հայտարարել են, որ պատրաստ են գործողություններ սկսել քրդական Ժողովուրդների պաշտպանական միավորումների՝ YPG-ի դեմ, թուրք պաշտոնյաների՝ Սիրիա ներխուժման հայտարարությունների ֆոնին։ Այս մասին գրում է Duvar-ը։
Սիրիական ազատագրական ճակատը, որը Սիրիական ազգային բանակի ճյուղն է, հայտարարել է, որ «վճռական են տարածաշրջանը բոլոր ահաբեկչական կազմակերպություններից մաքրելու հարցում», և ցուցակում ընդգրկել են Քուրդիստանի աշխատավորական կուսակցությունը, Ժողովրդավարական միություն կուսակցությունն ու ԻԼԻՊ-ը՝ որպես «ահաբեկչական խմբերի»։
Զինյալները, որոնց կողմից մարդու իրավունքների խախտումների մասին բազմիցս է հայտարարվել, նշել են, որ տեղում իրենց աջակցությունը Թուրքիային շարունակվելու է։
Նշենք, որ ավելի վաղ Թուրքիայի նախագահ Ռեջեփ Թայիփ Էրդողանը հայտարարել էր, թե Անկարան վճռական է վերացնելու Սիրիայի հյուսիսում սպառնալիքները, և որ իրենց «համբերությունն արդեն սպառվել է»։
Թուրքիայի ԱԳ նախարար Մևլութ Չավուշօղլուն էլ հայտարարել է, որ ՌԴ-ն և ԱՄՆ-ն չեն կատարել իրենց խոստումը Սիրիայի հարցով, և Թուրքիան «կանի այն, ինչ անհրաժեշտ է իր անվտանգության համար»։
Էմմա Չոբանյան
