30.07.2026 | 12:21
Ռուսաստանն Ուկրաինայի վրա արձակել է 74 հրթիռ և 284 ԱԹՍ
Գյումրիում քաղաքական ուժերից ոչ մեկն ընտրությունների արդյունքները չի բողոքարկել
Քաղաքականություն
18.10.2021 | 20:02
Գյումրու ՏԻՄ ընտրություններին մասնակցող 10 քաղաքական ուժերից և ոչ մեկը թիվ 31 ընտրատարածքային ընտրական հանձնաժողովին բողոք չի ներկայացրել՝ իրենց ստացած քվեների վերահաշվարկի պահանջով։ Նրանք բողոքարկելու հնարավորություն ունեին մինչև այսօր ժամը 18․00-ն։
Բողոքարկման հնարավորություն կլինի նաև վաղը առավոտյան՝ ժամը 9․00-ից մինչև 11․00-ն։ Այս մասին Factor.am-ին տեղեկացրեց ընտրատարածքային հանձնաժողովի նախագահ Տիգրան Ղազարյանը։
«Հանձնաժողովն այսօր բոլոր մատյանները նայել է, քվեարկության ընթացքում ոչ մի բողոք դիտորդներից, վստահված անձանցից չի արձանագրված։ Ոչ մի բողոք, ոչ մի հատուկ կարծիք չկա։ Եթե չկա, նշանակում է՝ ընտրությունները նորմալ ընթացել են, այդ դեպքում գան, բողոքեն, որ ի՞նչ»,- ասաց հանձնաժողովի նախագահը։
Արմիկ Մովսիսյան
