17.12.2025 | 20:00
Եթե ընդդիմությունը ՌԴ-ի երգն է երգում, այո՛, թիրախավորվելու է իբրև հիբրիդային սպառնալիք․ Էդգար Խաչատրյան. ՏԵՍԱՆՅՈՒԹ
ՆԱՏՕ-ն պատրաստ է աջակցել Հարավային Կովկասում խաղաղության ապահովմանը․ ՆԱՏՕ-ի ներկայացուցիչ
Քաղաքականություն
18.10.2021 | 19:10
Ադրբեջանի պաշտպանության նախարար Զաքիր Հասանովը Բաքվում հանդիպել է ՆԱՏՕ-ի գլխավոր քարտուղարի արտաքին գործերի ու անվտանգության հարցերով օգնականի տեղակալ, Կովկասի և Կենտրոնական Ասիայի ներկայացուցիչ Խավիեր Կալոմինայի գլխավորած պատվիրակությանը, հաղորդում են ադրբեջանական լրատվամիջոցները։
Հասանովը Կոլոմինային ներկայացրել է Արցախի գրավյալ տարածքներում իրականացված աշխատանքները, ինչպես նաև Ադրբեջանի սահմանին ներկա իրավիճակը։ Ադրբեջանի ՊՆ ղեկավարը նաև գոհունակություն է հայտնել ՆԱՏՕ-ի հետ համագործակցության ներկա մակարդակի կապակցությամբ և ընդգծել հետագա զարգացման կարևորությունը։
«Կոլոմինան իր հերթին ՆԱՏՕ-ի պատրաստակամությունն է հայտնել՝ համապատասխան աջակցություն ցուցաբերել Հարավային Կովկասում խաղաղության ապահովման հարցում»,- ասվում է Ադրբեջանի ՊՆ հաղորդագրության մեջ։
Կողմերը նաև քննարկել են հետպատերազմյան իրավիճակը տարածաշրջանում, փոխադարձ հետաքրքրություն ներկայացնող այլ հարցեր։
Էմմա Չոբանյան
