02.04.2026 | 10:19
«Զայեդ»-ի շրջանակներում Փաշինյանի ստացած 500 հազար դոլարը կփոխանցվի պետական գանձապետարանի ավանդային հաշվին
ՌԴ-ի և ՆԱՏՕ-ի զինվորականների միջև բոլոր շփումները դադարեցվում են
Քաղաքականություն
18.10.2021 | 18:08
Ռուսաստանը նոյեմբերի 1-ից կդադարեցնի Հյուսիսատլանտյան դաշինքում (ՆԱՏՕ) մշտական ներկայացուցչության և այլ մարմինների աշխատանքը։ Այս մասին հայտարարել է ՌԴ ԱԳ նախարար Սերգեյ Լավրովը:
«Ի պատասխան ՆԱՏՕ-ի գործողությունների՝ մենք դադարեցնում ենք մեր մշտական առաքելության՝ ներառյալ գլխավոր ռազմական ներկայացուցչի աշխատանքը, հավանաբար, նոյեմբերի 1-ից կամ, գուցե, դա տևի ևս մի քանի օր»,- ասել է Լավրովը։
Նա նշել է, որ այժմ կողմերի միջև չկա զինվորականների գծով ոչ մի շփում։
«Եթե ՆԱՏՕ-ի անդամները որևէ հրատապ խնդիր ունենան, նրանք կարող են այդ հարցերով դիմել Բելգիայում մեր դեսպանին, որն ապահովում է Ռուսաստանի և Բելգիայի Թագավորության միջև երկկողմ հարաբերությունները»,- հավելել է ԱԳՆ ղեկավարը:
Ավելի վաղ Դաշինքը չեղյալ էր հայտարարել Ռուսաստանի մշտական ներկայացուցչության ութ աշխատակիցների հավատարմագրումը և թույլտվությունների թիվը հասցրել 10-ի: Ռուսաստանցի պաշտոնյայի խոսքով՝ այս որոշումը չի բացատրվել Ռուսաստանին: Լավրովն ընդգծել է, որ Մոսկվան «այլևս չի ձևացնի, թե մոտ ապագայում հարաբերություններում որևէ փոփոխություն հնարավոր է»:
Տաթև Ֆռանգյան
