19.05.2026 | 21:25
Փաշինյանի՝ ՀՀ տարածքում հայերի թվի մասին պնդումը սխալ է․ հայերը եղե՛լ են 90 տոկոսից ավելի
Ռուսաստանը շարունակում է նոր հակառեկորդներ գրանցել Covid-19-ով վարակման ցուցանիշում
Քաղաքականություն
18.10.2021 | 23:31
Ռուսաստանում շարունակվում է կորոնավիրուսով վարակման առավելագույն ցուցանիշի թարմացումը։ Արդեն երկրորդ օրն է՝ վարակման օրեկան թիվը գերազանցում է 34 հազարը։ «Անցած մեկ օրվա ընթացքում Ռուսաստանի 85 մարզում հաստատվել է նոր կորոնավիրուսային վարակի 34,325 դեպք, առանց կլինիկական դրսևորումների 2,821 (8,2%) դեպք է հայտնաբերվել», – ասված է օպերատիվ շտաբի հոկտեմբերի 18 -ին տարածած հաղորդագրության մեջ, գրում է DW-ի ռուսական ծառայությունը:
Մեկ օր առաջ գրանցվել է 34,303 նոր դեպք: Երկրի բոլոր մարզերում նկատվում է վարակի աճ, Մոսկվայում վերջին 1 օրվա ընթացքում հայտնաբերվել է վարակման 6,823 նոր դեպք, Սանկտ Պետերբուրգում ՝ 3,097:
Մահացությունների թիվը նախկինի նման պահպանվում է 1 օրում 1000-ի սահմաններում, չնայած որ աննշան նվազել է հոկտեմբերի 16-ի առավելագույն ցուցանիշի համեմատ։
ՌԴ-ում վարակվածների ընդհանուր թիվը գերազանցել է 8 միլիոնը։ Երկրում շաբաթներ շարունակ դիտարկվում է հիվանդության թվի աճ։ Փորձագետները սա բացատրում են բնակչության շարքում պատվաստման ցածր մակարդակով ու խիստ սահմանափակող միջոցների բացակայությամբ։
Տաթև Ֆռանգյան
