30.07.2026 | 13:33
Հայաստանի պատանի ինֆորմատիկները Եվրոպական օլիմպիադայում 4 մեդալ են նվաճել
Կասպից ծովում անհայտ լողացող միջոցները փորձել են հատել Ադրբեջանի սահմանը․ սահմապահները նախազգուշական կրակ են բացել
Քաղաքականություն
18.10.2021 | 14:32
Ադրբեջանի պետական սահմանապահ ծառայությունը հաղորդել է Կասպից ծովում երկրի ջրային սահմանը հատելու փորձի և նախազգուշական կրակ բացելու մասին:
«Հոկտեմբերի 16-ին ժամը 23:00-ի սահմաններում պետական սահմանապահ ծառայության առափնյա պահպանության տեխնիկական դիտակետում հայտնաբերվել և հսկողության տակ է վերցվել երեք անհայտ թիրախ, որոնք հարավային ուղղությամբ մուտք են գործել Կասպից ծովում Ադրբեջանի Հանրապետության տարածքային ջրեր և շարժվել դեպի հյուսիս»,- ասվում է ադրբեջանական գերատեսչության տարածած հաղորդագրությունում։
Նշվում է, որ այդ ուղղությամբ անմիջապես ուղարկվել են սահմանապահ պարեկային նավեր՝ լողացող միջոցները բռնելու համար: Տեղեկացվում է, որ նրանց հաջողվել է կանխել անհայտ լողացող միջոցների հետագա տեղաշարժը:
«Հետապնդման ընթացքում սահմանապահ պարեկային նավը նախազգուշական կրակ է բացել օրինախախտների ուղղությամբ: Այնուհետև օրինախախտները ջուրն են գցել իրենց բեռն ու հակառակ ուղղությամբ նավարկել՝ լքելով Ադրբեջանի Հանրապետության տարածքային ջրերը Կասպից ծովում»,- նշում է Ադրբեջանի սահմանապահ ծառայությունը:
Հաղորդվում է, որ բեռը դուրս է բերվել ջրից: Խուզարկության ընթացքում հայտնաբերվել է 23.780 տուփ ծխախոտ՝ մոտ 59.000 դոլար արժողությամբ:
Տաթև Ֆռանգյան
