13.02.2026 | 11:43
ՀՀ 7 մարզում սպասվում է քամու ուժգնացում
ՏԻՄ ընտրություններն ավարտվեցին․ սկսվում է ձայների հաշվարկը
Քաղաքականություն
17.10.2021 | 20:01
Ժամը 20։00-ին ավարտվեց Հանրապետության 6 մարզի 9 համայնքներում անցկացվող տեղական ինքնակառավարման մարմինների ընտրությունների քվեարկությունը։ 12 ժամ տևած ընտրական գործընթացից հետո տեղամասերի դռները փակվեցին։ Տեղական ինքնակառավարման մարմինների ընտրությունների անցկացման համար ձևավորված 152 ընտրատեղամասերում մեկնարկում է քվեաթերթիկների հաշվարկի փուլը։
Ընտրությունների նախնական արդյունքները պարզ կլինեն ժամեր անց, իսկ վերջնականը` 1 շաբաթ անց:
Հիշեցնենք, որ այսօր՝ հոկտեմբերի 17-ի համամասնական կարգով ընտրություններ էին անցկացվում Գորիսում, Գյումրիում, Մեղրիում, Տեղում, Տաթևում, Դիլիջանում, իսկ Շամիրամում, Ֆերիկում և Ֆիոլետովոյում՝ մեծամասնական ընտրակարգով։ Կենտրոնական ընտրական հանձնաժողովի տվյալներով՝ տեղական իշխանություն ձևավորելու համար պայքարում էր 17 կուսակցություն ու կուսակցությունների դաշինք:
Նշենք, որ այս տարի տեղական ինքնակառավարման մարմինների ընտրություններ կանցկացվեն նաև նոյեմբերի 14-ին և դեկտեմբերի 5-ին։
