27.11.2024 | 15:51
Վրաստանի ընդդիմությունը կմտնի խորհրդարան՝ պաշտոնապես մանդատներից հրաժարվելու համար
Թուրքիայի համբերությունը սպառվել է, մենք բոլոր անհրաժեշտ քայլերը կձեռնարկենք Սիրիայում․ Էրդողան
Քաղաքականություն
15.10.2021 | 20:34
Առաջիկա ժամանակահատվածում Թուրքիայի պայքարը Սիրիայում «ահաբեկիչների» դեմ որակապես նոր մակարդակի կբարձրանա։ Այս մասին հայտարարել է Թուրքիայի նախագահ Ռեջեփ Թայիփ Էրդողանը՝ լրագրողների հետ զրույցում մեկնաբանելով Անկարայի դիրքորոշումը Սիրիայի ու Աֆղանստանի հարցերում։ Հայտնում է Անադոլու գործակալությունը։
Էրդողանը նշել է, որ Անկարայի համբերությունը Թուրքիայի հարավային սահմանների մոտ YPG-ի «ահաբեկիչների» գործողությունների նկատմամբ սպառվել է։
«Մենք ահաբեկիչների դեմ բոլոր անհրաժեշտ քայլերը կձեռնարկենք»,- ասել է Թուրքիայի նախագահը։
Անդրադառնալով «Թալիբանի»պատվիրակության՝ Անկարա կատարած այցին՝ Էրդողանը նշել է, որ թալիբները խնդրել են հումանիտար օգնություն ցուցաբերել, նաև քննարկվել է Աֆղանստանի հետ զարգացման թեման։ Նա հիշեցրել է, որ թուրք զինվորականներն ու մասնագետներն ավելի վաղ ապահովել են Քաբուլի միջազգային օդանավակայանի անվտագությունն ու կառավարումն իրականացրել։
«Եթե ապագայում հնարավոր լինի պայմանավորվել, Թուրքիան, Քաթարն ու Աֆղանստանը կարող են նման քայլեր ձեռնարկել»,- ասել Թուրքիայի նախագահը։
Էմմա Չոբանյան
