19.12.2025 | 03:00
Կոնֆերենցիաների լիգա. «Նոայի» հավանական մրցակիցները փլեյ-օֆֆում
Թուրքիան ընդլայնում է «Բայրաքթարների» վաճառքը․ բանակցություններ են ընթանում Մարոկկոյի ու Եթովպիայի հետ
Քաղաքականություն
15.10.2021 | 15:50
Թուրքիան ընդլայնում է անօդաչու թռչող սարքերի արտահանումը. այս պահին բանակցություններ են ընթանում Մարոկկոյի ու Եթովպիայի հետ։ Այս մասին Reuters գործակալությանը հայտնել են համաձայնագրերին ծանոթ 4 աղբյուրներ։ Ցանկացած անօդաչու թռչող սարքի մատակարարում Եթովպիային՝ վտանգի տակ է դնում արդեն իսկ լարված հարաբերությունները Անկարայի ու Կահիրեի միջև։
Եգիպտոսի անվտանգության ծառայության 2 աղբյուր լրատվամիջոցին ասել է, որ Կահիրեն խնդրել է ԱՄՆ-ին ու որոշ եվրոպական երկրների օգնել սառեցնել ցանկացած գործարք։ Թուրքիան, Եթովպիան ու Մարոկկոն դեռ պաշտոնապես չեն հայտարարել անօդաչուների գործարքի մասին, սակայն համաձայնագրերին ծանոթ մի շարք աղբյուրներ Reuters-ին մանրամասներ են հայտնել։
Մի թուրք պաշտոնյա ասել է, որ Եթովպիան ու Մարոկկոն դիմել են Bayraktar TB2 անօդաչուների համար, համաձայնագրերը կարող են ներառել պահեստամասերի տրամադրումը և համապատասխան ուսուցումը։ Անանունության պայմանով դիվանագետը հայտնել է, որ Մարոկկոն ստացել է անօդաչուների առաջին խմբաքանակը, որը պատվիրված է եղել մայիսին։ Եթովպիան ցանկանում է դրանք ձեռք բերել, սակայն դեռ այնքան էլ պարզ չէ։
Աղբյուները չեն նշում քանի անօդաչու է ներառված գործարքներում ու ֆինանսական մանրամասները չեն ներկայացնում։
Պաշտոնական տվյալները ցույց են տալիս, որ Թուրքիայի պաշտպանական և ավիացիոն արտահանումը դեպի Մարոկկո ու Եթովպիա վերջին երկու ամսվա ընթացքում կտրուկ աճել է, սակայն անօդաչու թռչող սարքերի վաճառքի մանրամասներ չեն ներկայացվում:
Եթովպիայի ԶՈՒ-ն ու վարչապետի գրասենյակը չեն արձագանքել այս հարցի վերաբերյալ մեկնաբանություններ տալու խնդրանքներին: Մարոկկոյի կառավարությունը հասանելի չի եղել մեկնաբանությունների համար, ռազմական գերատեսչությունն էլ հանրային կերպով չի քննարկում գնումները։
Թուրքիայի ռազմական գնումների մարմինը անմիջապես չի պատասխանել հարցմանը։ Անօդաչուներ արտադրող Բայրաքթարը ևս չի արձագանքել մեկնաբանություն տալու խնդրանքին։
Էմմա Չոբանյան
