07.11.2024 | 21:31
Շոլցը չեղարկել է Բաքու այցը՝ Գերմանիայում քաղաքական լարվածության պատճառով․ Bloomberg
Էրդողանը կորոշի Սիրիայի հյուսիսում ահաբեկիչների վրա հարձակման ժամանակն ու վայրը․ Թուրքիայի պաշտպանության նախարար
Քաղաքականություն
14.10.2021 | 21:50
Սիրիայի հյուսիսում YPG «ահաբեկիչների» դեմ քայլերը ձեռնարկվելու են այն ժամանակ և այն վայրում, որը կորոշի Թուրքիայի նախագահ Ռեջեփ Թայիփ Էրդողանը, և թող ոչ ոք չկասկածի։ Այս մասին հայտարարել է Թուրքիայի պաշտպանության նախարար Հուլուսի Աքարը, գրում է Անադոլու գործակալությունը։
«Թուրքիան ամենայն լրջությամբ է վերաբերվում բոլոր պայմանավորվածություններին ու խոստորեն կատարում իր պարտավորությունները։ Դա վերաբերում է ոչ միայն Սիրիային, այլև այլ տարածաշրջաններին։ Մենք թույլ չենք տա ձևավորել ստատուս քվո, որը մեր երկրի ազգային շահերը ոտնահարում է»,- ասել է Աքարը։
Նա նշել է, որ Անկարան ուշադրությամբ հետևում է Իրաքում, Սիրիայում, Էգեյան ու Միջերկրական ծովերում, այդ թվում՝ Կիպրոսում բոլոր գործընթացներին։
Վերադառնալով Սիրիայի թեմային՝ Աքարը նաև հիշեցրել է ԱՄՆ ու ՌԴ-ի հետ կնքված պայմանավորվածությունների մասին։ Պնդելով, թե Թուրքիան հարգում է իր բոլոր հարևան պետությունների տարածքային ամբողջականությունն ու ինքնիշխանությունը։ Միաժամանակ Աքարն ասել է, որ Թուրքիան թույլ չի տա իր հարավային սահմանների մոտ PKK/YPG –ի կողմից վերահսկվող գոտու ձևավորում։
Էմմա Չոբանյան
