19.12.2025 | 23:33
ԱՄՆ-ի, Ռուսաստանի և Ուկրաինայի բանակցությունների նոր փուլը տեղի կունենա ԱՄՆ-ում առաջիկա օրերին
Վրաստանի Ռուսթավի քաղաքի թիվ 17 ՔԿՀ-ում հրդեհ է բռնկվել
Քաղաքականություն
14.10.2021 | 19:30
Ռուսթավի քաղաքի թիվ 17 քրեակատարողական հիմնարկում հրդեհ է բռնկվել:
Վրացական լրատվամիջոցների հաղորդմամբ՝ հրդեհը բռնկվել է բանտի շենքում տեղակայված ճաշարանում, գրում է Գրուզիա օնլայնը:
Դեպքի վայրից արված լուսանկարներում երևում է, թե ինչպես են ծխի սյուները բարձրանում ուղղիչ հիմնարկի վրայով: Դեպքի վայր է ժամանել մինչեւ 10 մարտական հաշվարկ: Զոհերի մասին դեռևս տեղեկություններ չկան:
Վրացական լրատվամիջոցները նշում են, որ սա այն քրեակատարողական հիմնարկը չէ, որտեղ պահվում է Վրաստանի նախկին նախագահ Միխայիլ Սաակաշվիլին։ Քաղաքական գործիչն իր պատիժն է կրում №12 քրեակատարողական հիմնարկում, որը 17-րդ ուղղիչ հաստատությունից ոչ հեռու է գտնվում։
Տաթև Ֆռանգյան
