02.04.2026 | 13:51
Ինդոնեզիայում 7.4 մագնիտուդով երկրաշարժ է տեղի ունեցել
ԱՊՀ երկրների հատուկ ծառայությունները միասնական եզրակացության են եկել՝ «հակազդելու դրսից «ժողովրդավարություն» բռնի կերպով արմատավորելու փորձերին»
Քաղաքականություն
14.10.2021 | 17:53
Հոկտեմբերի 13-ին Մոկսվայում տեղի է ունեցել ԱՊՀ անդամ երկրների անվտանգության մարմինների ու հետախուզության ծառայությունների հերթական նիստը՝ հետախուզական հարցերի վերաբերյալ։ Մարմնի աշխատանքներին մասնակցել են Ադրբեջանից, Հայաստանից, Բելառուսից, Ղազախստանից, Ղրղզստանից, Տաջիկստանից, Թուրքմենստանից և Ուզբեկստանից պատվիրակություններ:
ՌԴ արտաքին հետախուզության ծառայության մամուլի բյուրոն հայտնում է, որ «հանդիպմանը քննարկվել են ԱՊՀ երկրներում անվտանգության և կայունության ապահովման ոլորտում հատուկ ծառայությունների փոխգործակցության արդիական հարցերը՝ մեր պետությունների վրա Արևմուտքի ապակառուցողական ազդեցության և դրսից ժողովրդավարություն բռնի կերպով արմատավորելու փորձերի համատեքստում»:
Տեղեկացվում է, որ «հատուկ գերատեսչությունների ղեկավարները եկել են այն միասնական եզրակացությանը, որ այդ գործընթացներն ուղղված են ԱՊՀ երկրներում ներքաղաքական իրավիճակի ապակայունացմանը, համակարգված են և նպատակուղղված բնույթ ունեն: Դրանում ներգրավված ոչ կառավարական և միջազգային կազմակերպությունների համակարգողները արևմտյան հատուկ ծառայություններն են»: Այս առումով պայմանավորվել են այդ գործընթացներին հակազդելու համատեղ ջանքերի ակտիվացման անհրաժեշտության մասին, ասվում է հաղորդագրության մեջ:
Հանդիպման մասնակիցները նաև համաձայնեցրել են Աֆղանստանից եկող սպառնալիքների տեղայնացման և ահաբեկչության տարածման և փախստականների ներթափանցման հետ կապված արձագանքման և փոխազդեցության մեխանիզմները:
Տաթև Ֆռանգյան
