19.11.2024 | 18:23
Պարոն Իսկանդարյան, «калькулятор»-ը հանեք, հաշվենք․ Ավինյանը տրանսպորտի վճարների մուտքերն է հաշվում․ ՏԵՍԱՆՅՈՒԹ
ՀԱՊԿ-ում նշել են կազմակերպության համար հիմնական սպառնալիքները
Քաղաքականություն
14.10.2021 | 17:22
ՀԱՊԿ-ի համար հիմնական սպառնալիք է հանդիսանում միջազգային ահաբեկչական ակտիվությունն ու Եվրոպայում ԱՄՆ ռազմական ներկայության ավելացումը։ Այս մասին հայտարարել է ՀԱՊԿ Միացյալ շտաբի պետ, գեներալ-գնդապետ Անատոլի Սիդորովը, գրում է «ՌԻԱ Նովոստին»։
«ՀԱՊԿ անդամ երկրների համար սպառնալիքի հիմնական աղբյուր է հանդիսանում միջազգային ահաբեկչական ու ծայրահեղական կազմակերպությունների գործունեության աշխարհագրության ու ակտիվության մեծացումը, արևմտյան երկրների գործունեությունը կոալիցիոն ու ազգային ռազմական ներուժի մեծացման ուղղությամբ՝ Եվրոպայում ԱՄՆ ռազմական ներկայության ակտիվ ընդլայնման ֆոնին»,- ասել է Սիդորովը լրագրողների հետ ճեպազրույցի ժամանակ։
Նա նաև սպառնալիքների շարքին է դասել կիբերտարածքում օպերացիաների մասշտաբները, Ուկրաինայում իշխող ռեժիմի կողմից հակառուսական հռետորաբանության շարունակումն ու հակամարտության բարձր լարվածության պահպանումը Սիրիայում և Աֆղանստանում։
Տաթև Ֆռանգյան
